ଟିଭି ରିଚାର୍ଜ ନାମରେ ଠକି ନେଲେ ୯୯ ହଜାର

Dec 21, 2020 - 07:00 Updated: Dec 21, 2020 - 07:00

5767

ଚନ୍ଦ୍ରଶେଖରପୁର: ଟିଭି ରିଚାର୍ଜ କରିବା ନେଇ ଜଣେ ଯୁବକ ଠକାମିର ଶିକାର ହୋଇଛନ୍ତି । ଏକ ଫେକ କଷ୍ଟମର କେୟାର କଲ ପାଇଁ ପଟିଆ ଞ୍ଚଳର ଜଣେ ବ୍ୟକ୍ତିଙ୍କ ବ୍ୟାଙ୍କ ଆକାଉଣ୍ଟରୁ ୯୯ ହଜାର ଟଙ୍କା ଲୁଟ ହୋଇଛି । ଠକାମିର ଶିକାର ହୋଇଥିବା ଯୁବକ ବି.ସି ରାଉତ ରାତିରେ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଛନ୍ତି । ପୁଲିସ ଏକ ସାଇବର ଅପରାଧ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ ଟିଭି ରିଚାର୍ଜ ଅନଲାଇନରେ କେମିତି ହେବ ସେ ନେଇ ୱେବସାଇଟ ସର୍ଚ୍ଚ କରିଥିଲେ । ପରେ ସେ ମୋବାଇଲରେ ଏକ ଆପ ଡାଉନଲୋଡ କରି ୨୨୦ ଟଙ୍କାର ରିଚାର୍ଜ କରିଥିଲେ । କିନ୍ତୁ ରିଚାର୍ଜ ଫେଲ ହେବାରୁ ଆକାଉଣ୍ଟରୁ ଟଙ୍କା କଟି ଯାଇଥିଲା । ଏ ନେଇ ସେ କଷ୍ଟମର କେୟାର ସହ ଯୋଗାଯୋଗ କରିଥିଲେ । କଷ୍ଟମର କେୟାର ବ୍ୟକ୍ତି ତାଙ୍କ ଆକାଉଣ୍ଟ ବିଷୟରେ ପଚରାଉଚରା କରିବା ପରେ କିଛି ସମୟ ମଧ୍ୟରେ ତାଙ୍କ ଆକାଉଣ୍ଟରେ ଥିବା ୯୯ ହଜାର ଟଙ୍କା ଉଠାଣ ହୋଇଯାଇଥିଲା ।