ଡିଜେର କାନ ଫଟା ଶବ୍ଦରେ ଲାଗିବ ଅଙ୍କୁଶ, ଶବ୍ଦ ପ୍ରଦୂଷଣକାରୀଙ୍କ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ
ଡିଜେର କାନ ଫଟା ଶବ୍ଦରେ ଲାଗିବ ଅଙ୍କୁଶ, ଶବ୍ଦ ପ୍ରଦୂଷଣକାରୀଙ୍କ ବିରୋଧରେ ନିଆଯିବ କାର୍ଯ୍ୟାନୁଷ୍ଠାନ
admin
1986
ଭୁବନେଶ୍ୱର: ଡିଜେର କାନଫଟା ଓ ଛାତିଥରା ଶବ୍ଦରେ ଲାଗିବ ଅଙ୍କୁଶ । ବିବାହ ଶୋଭାଯାତ୍ରା ହେଉ କି ଅନ୍ୟ କୌଣସି ପ୍ରସେସନ ଡିଜେର କର୍କଶ ଶବ୍ଦ ଶୁଭିଲେ ନିଆଯିବ କାର୍ଯ୍ୟାନୁଷ୍ଠାନ । ଏ ନେଇ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଜିଲ୍ଲାପାଳମାନଙ୍କୁ କଡ଼ା ନିଦେ୍ର୍ଧଶ ଦେଇଛନ୍ତି । ଖାଲି ସେତିକି ନୁହେଁ, ପରିବେଶ ମନିଟରିଂ ସେଲ ବୈଠକରେ ଅଧ୍ୟକ୍ଷତା କରି ସେ ଶବ୍ଦ ପ୍ରଦୂଷଣକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉନଥିବାରୁ ଅସନ୍ତୋଷ ପ୍ରକାଶ କରିଛନ୍ତି । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସଦସ୍ୟ ସଚିବ କେ.ମୁରୁଗେସୀନ ଶବ୍ଦ ପ୍ରଦୂଷଣକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜିଲ୍ଲାପାଳ ଓ ଏସପିମାନଙ୍କୁ ପତ୍ର ଲେଖିଛନ୍ତି । ରାଜ୍ୟ ସରକାର ଜିଲ୍ଲାପାଳ, ଏସପି ଓ ଅନ୍ୟ ଅଧିକାରୀମାନଙ୍କୁ ନିଜ ଅଞ୍ଚଳରେ ବାୟୁ ଓ ଶବ୍ଦର ମାନ ଉପରେ ଦୃଷ୍ଟି ଦେବାକୁ କହିଛନ୍ତି ।
