ଦାମୀ କାର୍ରେ ବ୍ରାଉନ ସୁଗାର ଚାଲାଣ
ଦାମୀ କାର୍ରେ ବ୍ରାଉନ ସୁଗାର ଚାଲାଣ
admin
3594
ଭୁବନେଶ୍ୱର: ଦାମୀ କାର୍ରେ ହେଉଥିଲା ବ୍ରାଉନ ସୁଗାର ଚାଲାଣ। ସେଥିରେ ଯାଉଥିବା ଲୋକ ସମ୍ପ୍ରାନ୍ତ ପରିବାରର ଭଳି ଲାଗୁଥିଲେ। ପୋଲିସ ନଜରରୁ ହଟିବା ପାଇଁ ଏଭଳି ଚତୁରତା ଅବଲମ୍ବନ କରାଯାଇଥିଲା। ଶେଷରେ କ୍ୟୁଏଟି ଓ ଶହୀଦନଗର ପୋଲିସ ହାତରେ ଧରାପଡିଛନ୍ତି ଏହି ର଼୍ୟାକେଟ। ସମ୍ପୃକ୍ତ ଗ୍ୟାଙ୍ଗ୍ର ୪ଜଣ ସଦସ୍ୟଙ୍କୁ କ୍ୟୁଏଟି ଓ ଶହୀଦନଗର ପୋଲିସ ଗିରଫ କରିଛି। ସେମାନଙ୍କ ନିକଟରୁ ପୋଲିସ ଗୋଟିଏ ବନ୍ଧୁକ, ଦୁଇଟି ଜୀବନ୍ତ ଗୁଳି, ୩୧ ଗ୍ରାମ ବ୍ରାଉନ ସୁଗାର, ନଗଦ ୧୩ ହଜାର ଟଙ୍କା, ୫ ମୋବାଇଲ୍ ଫୋନ୍ ଓ ଗୋଟିଏ ଟାଟା ସଫାରି କାର (ଓଆର୦୨ବିଏଚ୍୫୪୦୨)କୁ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ଖୋର୍ଦ୍ଧା ଅଞ୍ଚଳର ସୋମନାଥ ଭୁଜବଳ, ରାଜେଶ ବରାଳ, ଅମରେନ୍ଦ୍ର ବରାଳ ଓ ଜିତେନ୍ଦ୍ର ମାନସିଂ। ଶହୀଦନଗର ଥାନାରେ ଆଇପିସି ଦଫା ୨୧(ବି), ଏନ୍ଡିପିଏସ୍ ସହ ୨୫ ଆର୍ମସ ଆକ୍ଟ ଲଗାଇ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି। ଏହି ଗ୍ୟାଙ୍ଗ୍ର ମାଷ୍ଟରମ୍ୟାଇଣ୍ଡ୍ ସୋମନାଥ ହୋଇଥିବାବେଳେ ସେ ଚୋରା ପଥର ଚାଲାଣ କରନ୍ତି। ତାଙ୍କ ନାମରେ ଖୋର୍ଦ୍ଧା ଥାନାରେ ଏକାଧିକ ମାମଲା ରହିଥିବା ପୋଲିସ ସୂଚନା ଦେଇଛି।
