ଦିଲ୍ଲୀ କ୍ୟାପିଟାଲର ଅଂଶଧନ କିଣିପାରନ୍ତି ଗମ୍ଭୀର
ଦିଲ୍ଲୀ କ୍ୟାପିଟାଲର ଅଂଶଧନ କିଣିପାରନ୍ତି ଗମ୍ଭୀର
admin
2255
ନୂଆଦିଲ୍ଲୀ: ଇଣ୍ଡିଆନ ପି୍ରମିୟର ଲିଗ୍ (ଆଇପିଏଲ୍) ର ଅନ୍ୟତମ ଦଳ ଦିଲ୍ଲୀ କ୍ୟାପିଟାଲର ଅଂଶଧନ ପୂର୍ବତନ ଭାରତୀୟ କ୍ରିକେଟର ଗୌତମ ଗମ୍ଭୀର କିଣିପାରନ୍ତି ବୋଲି ଜଣାପଡ଼ିଛି । ଘରୋଇ କ୍ରିକେଟରେ ଦିଲ୍ଲୀ ଦଳକୁ ପ୍ରତିନିଧିତ୍ୱ କରୁଥିଲେ ଗମ୍ଭୀର । ଦିଲ୍ଲୀ କ୍ୟାପିଟାଲ ଦଳର ୫୦ ପ୍ରତିଶତ ଲେଖାଏଁ ଅଂଶଧନ ଜିଏମଆର ଓ ଜେଏସଡବ୍ଲୁ୍ୟ ଗ୍ରୁପ୍ ନିକଟରେ ରହିଛି ।
ଇତି ମଧ୍ୟରେ ଜିଏମଆର ନିକଟରେ ଥିବା ୫୦ ପ୍ରତିଶତ ଅଂଶଧନରୁ କିଛି କିଣିବାକୁ ଗମ୍ଭୀର ଜିଏମଆର ସଂସ୍ଥାର ପଦାଧିକାରୀଙ୍କ ସହ ଆଲୋଚନା କରିଥିବା ଜଣାପଡ଼ିଛି । ଗମ୍ଭୀରକୁ ଅଂଶଧନ ବିକିବାକୁ ଜିଏମଆର ସଂସ୍ଥା ରାଜି ଥିବା ବେଳେ ଏଥିପାଇଁ ଆଇପିଏଲ ଗଭର୍ଣ୍ଣିଂ କାଉନସିଲର ଅନୁମତିକୁ ଅପେକ୍ଷା କରାଯାଇଛି ବୋଲି ବିଶ୍ୱସ୍ତ ସୂତ୍ରରୁ ଜଣାପଡ଼ିଛି । ଦିଲ୍ଲୀ କ୍ୟାପିଟାଲର ୧୦ ପ୍ରତିଶତ ଅଂଶଧନ କିଣିବାକୁ ଗମ୍ଭୀର ଆଗ୍ରହୀ ଥିବା ଜଣାପଡ଼ିଛି । ଏଥିପାଇଁ ତାଙ୍କୁ ୧୦୦ କୋଟି ଟଙ୍କା ଦେବାକୁ ପଡ଼ିବ । ସୂଚନା ଥାଉ କି ଗତବର୍ଷ ଜେଏସଡବ୍ଲୁ୍ୟ ଗ୍ରୁପ ଦିଲ୍ଲୀ କ୍ୟାପିଟାଲର ୫୦ ପ୍ରତିଶତ ଅଂଶଧନକୁ ୫୫୦ କୋଟି ଟଙ୍କାରେ କିଣିଥିଲେ ।
ଏ ସମ୍ପର୍କରେ ସାଂସଦ ଥିବା ଗମ୍ଭୀରଙ୍କ ପ୍ରତିକି୍ରୟା ମିଳି ପାରିନଥିବା ବେଳେ ତାଙ୍କ ମୁଖପାତ୍ର ମୁହଁ ଖୋଲି ନାହାନ୍ତି । ଅନ୍ୟ ପକ୍ଷରେ ଗମ୍ଭୀରଙ୍କୁ ଅଂଶଧନ ବିକିବାକୁ ଯୋଜନା ଚାଲିଥିବା ସମ୍ପର୍କରେ ଜିଏମଆର ସଂସ୍ଥାର କେତେକ ଅଧିକାରୀ ସୂଚନା ଦେଇଛନ୍ତି । କି୍ରକେଟର ଭାବେ ଦିଲ୍ଲୀ ଚେୟାର ଡେଭିଲସ (ବର୍ତ୍ତମାନର ଦିଲ୍ଲୀ କ୍ୟାପିଟାଲ) ତରଫରୁ ଆଇପିଏଲ କ୍ୟାରିୟର ଆରମ୍ଭ କରିଥିଲେ ଗମ୍ଭୀର । ୩ ବର୍ଷ ପରେ ସେ କଲକାତା ନାଇଟ ରାଇଡର୍ସକୁ ଚାଲି ଯାଇଥିଲେ । ତାଙ୍କ ନେତୃତ୍ୱରେ କଲକାତା ଦଳ ୨ ଥର ଆଇପିଏଲ୍ ଚାମ୍ପିୟାନ୍ ହୋଇଥିଲା ।
