ଦୀପାବଳି ପରେ ଆଇପିଏଲରେ ନୂଆ ଦଳ ଲାଗି ଟେଣ୍ଡର ଆହ୍ୱାନ
ଦୀପାବଳି ପରେ ଆଇପିଏଲରେ ନୂଆ ଦଳ ଲାଗି ଟେଣ୍ଡର ଆହ୍ୱାନ
admin
3745
ମୁମ୍ବାଇ: କରୋନା ସଂକ୍ରମଣ ନେଇ କଠୋର କଟକଣା ଭୟ ଓ ଦ୍ୱନ୍ଦ୍ୱ ଭିତରେ ୟୁଏଇରେ ଖେଳାଯାଇଥିବା ଆଇପିଏଲର ତ୍ରୟୋଦଶ ସଂସ୍କରଣ ପୂର୍ବ ସବୁଋତୁର କୀର୍ତ୍ତିମାନକୁ ଭାଙ୍ଗି ଦେଇଛି । ସଫଳତମ ଆଇପିଏଲ ଆୟୋଜନରେ ଉତ୍ସାହିତ ହୋଇ ବିଶ୍ୱର ସବୁଠୁ ଧନୀ, ଲୋକପି୍ରୟ ତଥା ଚର୍ଚ୍ଚିତ ଟ୍ୱେଣ୍ଟି-୨୦ ଲିଗର ଦଳ ସଂଖ୍ୟା ବଢ଼ାଇବାକୁ ବିସିସିଆଇ ଆପାତତଃ ନିଷ୍ପତ୍ତି ନେଇ ସାରିଛି । ସେଥିପାଇଁ ଦୀପାବଳି କିଛି ନୂଆ ଫ୍ରାଞ୍ଚାଇଜ ଲାଗି ଟେଣ୍ଡର ଆହ୍ୱାନ କରିବାକୁ ଭାରତୀୟ କି୍ରକେଟ ବୋର୍ଡ ସଜବାଜ ହେଉଛି । ଆଇପିଏଲରେ ଦୁଇଟି ନୂଆ ଦଳ ସାମିଲ କରିବାର ଯୋଜନା ଗତବର୍ଷ ନଭେମ୍ବର ମାସରୁ ହିଁ ଆରମ୍ଭ ହୋଇ ଯାଇଥିଲା । ତେବେ କରୋନାସ ସଂକଟ ପାଇଁ ଆବଶ୍ୟକ ପ୍ରକି୍ରୟାକୁ ବିସିସିଆଇ ସ୍ଥଗିତ କରି ରଖିଥିଲା । ଏବେ ଏହି କାର୍ଯ୍ୟକୁ ପୁନର୍ବାର ଗତିଶୀଳ କରାଯାଇଛି । ତେବେ ୨୦୨୧ ମସିହାରେ ମାତ୍ର ଗୋଟିଏ ନୂଆ ଦଳ ଦେଖିବାକୁ ମିଳିପାରେ । ୨୦୨୨ ରେ ଆଉ ଏକ ନୂଆ ଦଳକୁ ଆଇପିଏଲରେ ସ୍ଥାନ ମିଳିପାରେ । ଆସନ୍ତା ଋତୁ ଆଉ ମାତ୍ର ୪ ରୁ ୫ ମାସ ମଧ୍ୟରେ ଖେଳାଯିବାକୁ ଥିବାରୁ ଏଥିରେ ଗୋଟିଏ କିମ୍ବା ଦୁଇଟି ନୂଆ ଦଳକୁ ନେବା ଉଚିତ, ସେ ନେଇ ଏ ପର୍ଯ୍ୟନ୍ତ ସହମତି ହୋଇପାରିନାହିଁ । ବିସିସିଆଇର କେତେକ ବରିଷ୍ଠ କର୍ମକର୍ତ୍ତା ଓ ଆଇପିଏଲ ପରିଚାଳନା ପରିଷଦର ଅଧିକାରୀମାନେ ଆସନ୍ତା ୭୨ ଘଣ୍ଟା ମଧ୍ୟରେ ବୈଠକରେ ମିଳିତ ହୋଇ ଏହି ବିଷୟର ଚୂଡାନ୍ତ ନିଷ୍ପତ୍ତି ନେବାର ସମ୍ଭାବନା ରହିଛି ।
