ଦୁଇ ଦିନରେ ଚିହ୍ନଟ ହେବେ ସବୁ ବି୍ରଟେନ ଫେରନ୍ତା
ଦୁଇ ଦିନରେ ଚିହ୍ନଟ ହେବେ ସବୁ ବି୍ରଟେନ ଫେରନ୍ତା
admin
4938
ଭୁବନେଶ୍ୱର: ରାଜଧାନୀରେ ଏବେ ୭୪ ଜଣ ବି୍ରଟେନ ଫେରନ୍ତା ବିଭିନ୍ନ ସ୍ଥାନରେ ଥିଲେ ହେଁ ସେମାନଙ୍କର ସ୍ଥିତି ନେଇ ରାଜ୍ୟ ସରକାରଙ୍କ ନିକଟରେ କିଛି ସୂଚନା ନାହିଁ । ଏହି ବି୍ରଟେନ ଫେରନ୍ତା ନିଜ ପକ୍ଷରୁ ମଧ୍ୟ ବିଏମସିକୁ କିଛି ଅବଗତ କରିନାହାନ୍ତି । ତେଣୁ ବିଏମସି ପକ୍ଷରୁ ଏବେ ୱାର୍ଡସ୍ତରରେ ବି୍ରଟେନ ଫେରନ୍ତାଙ୍କୁ ଖୋଜା ଚାଲିଛି । ବିଏମସି କମିସନର ପ୍ରେମ ଚନ୍ଦ୍ର ଚୌଧୁରୀ କହିଛନ୍ତି ଯେ ପୂର୍ବରୁ ପ୍ରଥମ ପର୍ଯ୍ୟାୟରେ ମିଳିଥିବା ତାଲିକା ଅନୁଯାୟୀ ସମସ୍ତଙ୍କର କୋଭିଡ ପରୀକ୍ଷା ସରିଥିଲା । ଏହା ପରେ ଆରଆରଟି ଟିମ କଣ୍ଟାକ୍ଟ ଟ୍ରେସିଂ କରିଥିଲେ । ସୋମବାର ରାତିରେ ଆଉ ୭୪ ଜଣ ବି୍ରଟେନ ଫେରନ୍ତାଙ୍କ ତାଲିକା ଦିଆଯାଇଛି । ଏବେ ଆମେ ତାଙ୍କୁ ଚିହ୍ନଟ କରୁଛୁ । ଦୁଇ ଦିନ ମଧ୍ୟରେ ସବୁ ବି୍ରଟେନ ଫେରନ୍ତା ଚିହ୍ନଟ ହେବେ । ସମସ୍ତଙ୍କର କୋଭିଡ ପରୀକ୍ଷା କରାଯିବ । ଏଥିପାଇଁ ୬ଟି ରାପିଡ ରେସ୍ପନ୍ସ ଟିମ ନିୟୋଜିତ ହୋଇଛନ୍ତି । ସେହିପରି ବିଏମସିର ସୂଚନା ଅନୁସାରେ, ଏବେ ବିମାନ ବନ୍ଦରରେ ସମସ୍ତଙ୍କର କୋଭିଡ ପରୀକ୍ଷା ବ୍ୟବସ୍ଥା କରାଯାଉଚି । ସକାଳୁ ଅପରାହ୍ନ ୨ଟା ମଧ୍ୟରେ ଯେଉଁମାନେ ଫେରୁଛନ୍ତି ସେମାନଙ୍କର ବିମାନ ବନ୍ଦରରେ ଆରଟିପିସିଆର ପରୀକ୍ଷା ହେଉଛି । ଏହା ପରେଫେରୁଥିବା ଯାତ୍ରୀମାନଙ୍କର ଆଣ୍ଟିଜେନ ଟେଷ୍ଟ ହେଉଛି । ଏଥିପାଇଁ ସବୁ ପ୍ରକାରର ବ୍ୟବସ୍ଥା କରାଯାଇଛି ।
