ନରେନ୍ଦ୍ର ମୋଦି ଏବେ ‘ସରେଣ୍ଡର ମୋଦି’: ରାହୁଲ
ନରେନ୍ଦ୍ର ମୋଦି ଏବେ ‘ସରେଣ୍ଡର ମୋଦି’: ରାହୁଲ
admin
3239
ଏଲଏସିର ଗଲୱାନ ଉପତ୍ୟକାରେ ୨୦ ଯବାନ ସହିଦ ହେବା ଘଟଣାରେ କଂଗ୍ରେସ ନେତା ରାହୁଲ ଗାନ୍ଧି କେନ୍ଦ୍ର ସରକାରଙ୍କ ଉପରେ ଆକ୍ରମଣ ଜାରି ରଖିଛନ୍ତି । ଏହି କ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ‘ସରେଣ୍ଡର ମୋଦି’ ବୋଲି ରାହୁଲ ଆକ୍ଷେପ କରିଛନ୍ତି । ରାହୁଲଙ୍କ ଏହି ଟୁଇଟକୁ ୨୦ ହଜାର ଲୋକ ଲାଇକ କରିଥିବା ବେଳେ ୮୦୦୦ ପୁନଃ ଟୁଇଟ କରିଛନ୍ତି । ଏହା ସହିତ ୯୦୦୦ ଲୋକ ଟ୍ୱିଟରରେ ଜବାବ ଦେଇଛନ୍ତି । ଏହି ଟୁଇଟରେ ରାହୁଲ ସରେଣ୍ଡର ବନାନ ଭୁଲ କରିଥିବା ବେଳେ କେତେକ ସଂଶୋଧନ ପାଇଁ ମଧ୍ୟ କହିଛନ୍ତି । ଅନ୍ୟ ପଟେ ରବିବାର ବରିଷ୍ଠ କଂଗ୍ରେସ ନେତା କପିଲ ଶିବଲ ସରକାରଙ୍କୁ ପ୍ରଶ୍ନ କରିଛନ୍ତି ଯେ ଚୀନ ସେନା ଯଦି ଭାରତ ସୀମା ମଧ୍ୟକୁ ଅନୁପ୍ରବେଶ କରିନାହିଁ ତେବେ କୌଣସି ପରିସ୍ଥିତିରେ ସୀମାରେ ସଂଘର୍ଷ ହେଲା ଓ ଭାରତରେ ୨୦ ଯବାନ ସହିଦ ହେଲେ । ପ୍ରତିରକ୍ଷା ବିଶେଷଜ୍ଞ, ସେନାମୁଖ୍ୟଙ୍କ ମନ୍ତବ୍ୟ ଓ ଉପଗ୍ରହ ଚିତ୍ରରୁ ଜଣାଯାଇଛି ଯେ ଚୀନ ସେନା ପୋଙ୍ଗଅଙ୍ଗ ହ୍ରଦ ନିକଟରେ ୮ କିମି ଅନୁପ୍ରବେଶ କରିଛି, ମାତ୍ର ସରକାର କହୁଛନ୍ତି ଯେ ଚୀନ ସେନା ଭାରତ ମଧ୍ୟକୁ ଅନୁପ୍ରବେଶ କରିନାହିଁ ।
