ପଞ୍ଜାବ ଓ ହରିଆନା ହାଇକୋର୍ଟଙ୍କ ରାୟ : ଋତୁମତୀ ହୋଇଥିଲେ ବାହା ହୋଇପାରିବେ ମୁସଲିମ ନାବାଳିକା
ପଞ୍ଜାବ ଓ ହରିଆନା ହାଇକୋର୍ଟଙ୍କ ରାୟ : ଋତୁମତୀ ହୋଇଥିଲେ ବାହା ହୋଇପାରିବେ ମୁସଲିମ ନାବାଳିକା
admin
4113
ଚଣ୍ଡୀଗଡ଼ : ବାହାଘର ପାଇଁ ଝିଅଙ୍କୁ ଅତି କମରେ ୧୮ ବର୍ଷ ହୋଇଥିବା ଆବଶ୍ୟକ । ଏବେ ପୁଣି ସେହି ବୟସ ସୀମା ବୃଦ୍ଧି କରିବାକୁ ବି ଚର୍ଚ୍ଚା ହେଉଛି । କିନ୍ତୁ ଏସବୁ ଭିତରେ ପଞ୍ଜାବ ଓ ହରିଆନା ହାଇକୋର୍ଟଙ୍କ ଏକ ରାୟ ସାରା ଦେଶରେ ଚର୍ଚ୍ଚା ସୃଷ୍ଟି କରିଛି ।
ମୁସଲିମ ନାବାଳିକା ଯଦି ଋତୁମତୀ ହୋଇଥିବେ ତେବେ ସେମାନେ ବିବାହ କରିପାରିବେ । ତାଙ୍କ ବୟସ ୧୮ ବର୍ଷ ହୋଇନଥିଲେ ବି ଚଳିବ । ସାର ଦିନସା ଫର୍ଦ୍ଧୁଞ୍ଜିନ ମୁଲ୍ଲାଙ୍କ ଲିଖିତ ‘ପ୍ରିନ୍ସପଲ୍ସ ଅଫ ମହମ୍ମଦିଆନ ଲ’ ପୁସ୍ତକର ଧାରା ୧୯୫ ଅନୁଯାୟୀ, ଜଣେ ମୁସଲିମ ନାବାଳିକା ବିବାହ ଯୋଗ୍ୟା ହେବା ପରେ ନିଜ ପସନ୍ଦର କାହାକୁ ବିବାହ କରିବା ପାଇଁ ଯୋଗ୍ୟା ବୋଲି ହାଇକୋର୍ଟ ବିଚାରପତି ଅଳକା ସାରିନ ରାୟ ଶୁଣାଇଛନ୍ତି । ସୂଚନାଯୋଗ୍ୟଯେ, ପଞ୍ଜାବର ଜଣେ ୩୬ ବର୍ଷୀୟ ମୁସଲିମ ଯୁବକ ସହ ଜଣେ ୧୭ ବର୍ଷୀୟା ମୁସିଲମ ବାଳିକାର ବିବାହ ସମ୍ପର୍କିତ ମାମଲାର ଶୁଣାଣୀ କରି ଅଦାଲତ ଏହି ରାୟ ଦେଇଛନ୍ତି ।
