ପଡୋଶୀକୁ ସଂକ୍ରମିତ କରାଇବା ପାଇଁ କରୁଥିଲେ ଏମିତି, ସିସିଟିଭି ଫୁଟେଜରେ କଏଦ
ପଡୋଶୀକୁ ସଂକ୍ରମିତ କରାଇବା ପାଇଁ କରୁଥିଲେ ଏମିତି, ସିସିଟିଭି ଫୁଟେଜରେ କଏଦ
admin
3346
ଚୀନର ଉହାନ ସହରର ଏକ ଆପାର୍ଟମେଣ୍ଟରେ ରହୁଥିବା ଜଣେ ମହିଳା ନିଜର ପଡୋଶୀମାନଙ୍କୁ କରୋନା ଭାଇରସରେ ଆକ୍ରାନ୍ତ କରାଇବା ପାଇଁ ସେମାନଙ୍କ ଘରର କବାଟରେ ଲାଗିଥିବା ହ୍ୟାଣ୍ଡେଲରେ ଛେପ ପକାଉଥିବାର ଜଣାପଡ଼ିଛି । ଆପାର୍ଟମେଣ୍ଟରେ ଲାଗିଥିବା ସିସିଟିଭି ଫୁଟେଜରୁ ଏହା ସ୍ପଷ୍ଟ ହୋଇଛି । ଉକ୍ତ ଭିଡିଓ ଫୁଟେଜରେ ଦେଖାଯାଇଛି କି ମହିଳା ଜଣକ ରାତି ୧୦ଟାରେ ଆପାର୍ଟମେଣ୍ଟ କରିଡରରେ ଚାଲି ଚାଲି ଯାଉଛନ୍ତି । ସେ ଚାରିଆଡ଼କୁ ଲକ୍ଷ୍ୟ କରି ଆଉ କେହି ଠିଆ ହୋଇଛି କି ନାହିଁ ତାହା ଦେଖୁଛନ୍ତି । ତା ପରେ ସେ ସମସ୍ତଙ୍କ ଘର କବାଟ ହ୍ୟାଣ୍ଡେଲ ଉପରେ ଛେପ ପକାଉଛନ୍ତି । କରୋନାରେ ଆକ୍ରାନ୍ତ ବ୍ୟକ୍ତିଙ୍କ ଛେପରୁ ବି ଏହା ବ୍ୟାପିପାରେ ବୋଲି କୁହାଯାଉଥିବାରୁ ମହିଳା ଜଣଙ୍କ କାର୍ଯ୍ୟକଳାପ ଅତି ସନ୍ଦେହଜନକ ମନେ ହେଉଛି । ଆହୁରି ମଧ୍ୟ ସେ ଆପାର୍ଟମେଣ୍ଟରେ ରହୁଥିବା ଲୋକଙ୍କ ମଧ୍ୟରୁ ୩୦ ଜଣ କରୋନାରେ ଆକ୍ରାନ୍ତ ହୋଇଛନ୍ତି । ଅଧିକାଂଶ ରୋଗୀ ଏବଂ ସେମାନଙ୍କ ପରିବାର ଲୋକେ ନିଜକୁ ଘର ମଧ୍ୟରେ ବନ୍ଦୀ କରି ରଖିଥିଲେ । ଅର୍ଥାତ ସଂକ୍ରମଣ ନ ବ୍ୟାପିବା ପାଇଁ ସେମାନେ ଘରୁ ବାହାରକୁ ବାହାରୁନଥିଲେ । ଏଭଳି ସ୍ଥଳେ ଉକ୍ତ ମହିଳା ପଡୋଶୀମାନଙ୍କୁ କରେନାରେ ଆକ୍ରାନ୍ତ କରାଇବା ପାଇଁ ଏପରି ହରକତ କରିଥିବାର ସନ୍ଦେହ କରାଯାଉଛି । କିନ୍ତୁ ସେ ନିଜେ କରୋନାରେ ଆକ୍ରାନ୍ତ ହୋଇଛନ୍ତି କି ନାହିଁଳ, ତାହା ସ୍ପଷ୍ଟ ହୋଇପାରିନାହିଁ । ଆପାର୍ଟମେଣ୍ଟର ଲୋକମାନଙ୍କଠାରୁ ଅଭିଯୋଗ ପାଇଁ ସ୍ଥାନୀୟ ପୁଲିସ ଉକ୍ତି ମହିଳାଙ୍କ ବିରୋଧରେ ଯାଞ୍ଚ ଆରମ୍ଭ କରିଛି ।
