ପଦାର୍ଥ ବିଜ୍ଞାନରେ ଏହି ତିନି ବୈଜ୍ଞାନିକଙ୍କୁ ମିଳିବ ନୋବେଲ ପୁରସ୍କାର
ପଦାର୍ଥ ବିଜ୍ଞାନରେ ଏହି ତିନି ବୈଜ୍ଞାନିକଙ୍କୁ ମିଳିବ ନୋବେଲ ପୁରସ୍କାର
admin
ପଦାର୍ଥ ବିଜ୍ଞାନ ପାଇଁ ନୋବେଲ ପୁରସ୍କାର ଘୋଷଣା କରାଯାଇଛି । ପଦାର୍ଥ ବୈଜ୍ଞାନିକ ସୁକୁରୋ ମାନବେ, ଜର୍ଜି ପାରିସ, କ୍ଲାଉସ ହାସଲମାନଙ୍କୁ ଚଳିତ ବର୍ଷ ନୋବେଲ ପୁରସ୍କାର ପାଇଁ ମନୋନୀତ କରାଯାଇଛି । ଏନେଇ ବିଧିବିଦ୍ଧ ଭାବରେ ଘୋଷଣା କରାଯାଇଛି । ନୋବେଲ ପୁରସ୍କାର ଘୋଷଣା ପରେ ଜାପାନ, ଜର୍ମାନ ଓ ଇଟାଲିରେ ଖୁସିର ଲହରି ଖେଳିଯାଇଛି ।
ସୂଚନାଯୋଗ୍ୟ ଯେ ଗତକାଲି ଭେଷଜରେ ଚଳିତ ବର୍ଷର ନୋବେଲ ପୁରସ୍କାର ପାଇଁ ଦୁଇ ଆମେରିକୀୟ ବୈଜ୍ଞାନିକ ଡେଭିଡ ଜୁଲିୟସ ଓ ଆର୍ଡେମ ପାଟାପୋଟିଆନଙ୍କୁ ମନୋନୀତ କରାଯାଇଛି । ତାପମାତ୍ରା ଓ ସ୍ପର୍ଶର ରିସେପ୍ଟର ଆବିଷ୍କାର ପାଇଁ ସେମାନଙ୍କୁ ଏହି ପୁରସ୍କାର ଦିଆଯାଉଛି । ଏମାନଙ୍କ ଦ୍ୱାରା ଆବିଷ୍କୃତ ଜ୍ଞାନ ଏକାଧିକ ରୋଗର ଚିକିତ୍ସା ପ୍ରଣାଳୀ ବିକାଶ ପାଇଁ ଉପଯୋଗ କରାଯାଉଛି । ଏପରିକି ଦୀର୍ଘଦିନ ଧରି ଲାଗି ରହିଥିବା ଯନ୍ତ୍ରଣାର ଉପଶମ ମଧ୍ୟ ଏଥିରେ ଅନ୍ତର୍ଭୁକ୍ତ । ଗରମ, ଥଣ୍ଡା ଓ ସ୍ପର୍ଶ କିଭଳି ଆମ ସ୍ନାୟବିକ ବ୍ୟବସ୍ଥାକୁ ସଙ୍କେତ ଦେଉଛି ତାହା ଏମାନଙ୍କ ଦ୍ୱାରା ବିକଶିତ ଜ୍ଞାନରୁ ବୁଝାପଡୁଛି । ନୋବେଲ କମିଟି ମହାସଚିବ ଟମା ପେରିମାନଙ୍କ ଦ୍ୱାରା ସୋମବାର ବିଜେତାମାନଙ୍କ ନାମ ଘୋଷଣା କରାଯାଇଛି । ଉକ୍ତ ସମ୍ମାନଜନକ ପୁରସ୍କାର ବାବଦକୁ ଏକ ସ୍ୱର୍ଣ୍ଣପଦକ ଓ ୧୦ ନିୟୁତ ସ୍ୱିଡିଶ କ୍ରୋନର (୧.୧୪ ନିୟୁତ ଡଲାରରୁ ଅଧିକ) ମିଳିବ
