ପ୍ରତିଶୋଧ ନେଲା ସେନା : ଅଭିନନ୍ଦନଙ୍କୁ ଗିରଫ କରିଥିବା ପାକ୍ କମାଣ୍ଡୋ ନିପାତ
ପ୍ରତିଶୋଧ ନେଲା ସେନା : ଅଭିନନ୍ଦନଙ୍କୁ ଗିରଫ କରିଥିବା ପାକ୍ କମାଣ୍ଡୋ ନିପାତ
admin
2787
ନୂଆଦିଲ୍ଲୀ : ଭାରତୀୟ ବାୟୁସେନାର ପାଇଲଟ୍ ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନଙ୍କୁ ଗିରଫ କରିଥିବା ପାକିସ୍ତାନ କମାଣ୍ଡୋ ଅହମ୍ମଦ ଖାନଙ୍କୁ ସେନା ନିପାତ କରିଛି । ପାକ୍ କମାଣ୍ଡୋ ଅହମ୍ମଦ କେତେକ ଆତଙ୍କବାଦୀଙ୍କୁ ଭାରତରେ ଅନୁପ୍ରବେଶ କରିବାକୁ ଏଲଓସିରେ ପ୍ରୟାସ ଚଳାଇଥିବା ବେଳେ ସେନାର କାର୍ଯ୍ୟାନୁଷ୍ଠାନରେ ନିହତ ହୋଇଥିବା ଜଣାପଡ଼ିଛି ।
ପାକିସ୍ତାନୀ ସେନାର ସୁବେଦାର ଅହମ୍ମଦ ଖାନ୍ ପ୍ରାୟ ୬ ଜଣ ଆତଙ୍କବାଦୀଙ୍କୁ ଭାରତରେ ପ୍ରବେଶ କରାଇବାକୁ ଗତ ୧୭ ତାରିଖ ଦିନ ନିୟନ୍ତ୍ରଣ ରେଖା ଅଞ୍ଚଳରେ ପ୍ରୟାସ ଚଳାଇଥିବା ଜଣାପଡ଼ିବା ପରେ ଏହାକୁ ପଣ୍ଡ କରିବା ପାଇଁ ସେନା ତକ୍ରାଳ ବଡ଼ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲେ । ଏଥିରେ ଅହମ୍ମଦ ଏବଂ ଅନ୍ୟ କେତେକ ଆତଙ୍କବାଦୀ ନିପାତ ହୋଇଥିଲେ । ୨୭ ଫେବୃୟାରୀରେ ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ଗିରଫ କରିବା ପରେ ସୁବେଦାର ଅହମ୍ମଦ ଖାନ୍ ତାଙ୍କୁ ଅକଥନୀୟ ନିର୍ଯାତନା ଦେଇଥିଲେ । ଅହମ୍ମଦ ପୂର୍ବରୁ ମଧ୍ୟ ଆତଙ୍କବାଦୀଙ୍କୁ ବହୁବାର ଭାରତରେ ଅନୁପ୍ରବେଶ କରାଇଥିବା ସେନା ସୂତ୍ରରୁ ଜଣାପଡ଼ିଛି ।
