ଫେବୃଆରୀ ୮ରେ ଭୁବନେଶ୍ୱର ମିଡ଼ିଆ ବ୍ୟାଡ଼ମିଂଟନ କପ ପ୍ରତିଯୋଗିତା
ଫେବୃଆରୀ ୮ରେ ଭୁବନେଶ୍ୱର ମିଡ଼ିଆ ବ୍ୟାଡ଼ମିଂଟନ କପ ପ୍ରତିଯୋଗିତା
admin
6565
ଭୁବନେଶ୍ୱର : ଭୁବନେଶ୍ୱର ଜିଲ୍ଲା ବ୍ୟାଡ଼ମିଂଟନ ସଂଘ ପକ୍ଷରୁ ଗଣମାଧ୍ୟମର ପ୍ରତିନିଧିମାନଙ୍କୁ ନେଇ ଏକ ଯୁଗଳ ବ୍ୟାଡ଼ମିଂଟନ କପର ଇଉନିଟ ୧ ଇଣ୍ଡୋର ହଲ ରେ ଆୟୋଜନ କରିବା ନିମନ୍ତେ ନିଷ୍ପତି ନିଆଯାଇଛି । ଆସନ୍ତା ଫେବୃଆରୀ ୮ରେ ଭୁବନେଶ୍ୱର ମିଡ଼ିଆ ବ୍ୟାଡ଼ମିଂଟନ କପ ପ୍ରତିଯୋଗିତା ଅନୁଷ୍ଠିତ ହେବବୋଲି ସଂଘର ଜିଲ୍ଲା ସଭାପତି ଚଣ୍ଡୀ ପ୍ରସାଦ ଦାସ ସୂଚନା ଦେଇଛନ୍ତି । ଏନେଇ ଶ୍ରୀ ଦାସ କହିଛନ୍ତି ଯେ, ମିଡ଼ିଆର ବହୁ ବନ୍ଧୁ ବ୍ୟାଡ଼ମିଂଟନ ଖେଳୁଛନ୍ତି । ସେମାନଙ୍କୁ ଉତ୍ସାହିତ କରିବା ପାଇଁ ଜିଲ୍ଲା ସଂଘ ପକ୍ଷରୁ ଏଭଳି ଅଭିନବ ଉଦ୍ୟମ କରାଯାଇଛି । ପ୍ରତିଯୋଗିତା ସମ୍ପର୍କରେ ସଂଘର ଜିଲ୍ଲା ସମ୍ପାଦକ ସନ୍ତୋଷ କୁମାର ଚୌଧୁରୀ କହିଛନ୍ତିଯେ, ଏହି କପରେ କେବଳ ଭୁବନେଶ୍ୱର ରେ କାର୍ୟ୍ୟରତ ଗଣମାଧ୍ୟମର ପ୍ରତିନିଧିମାନେ ଅଂଶଗ୍ରହଣ କରିପାରିବେ । ଯେଉଁ ସାମ୍ବାଦିକ ବନ୍ଧୁମାନେ ଏଥିରେ ଅଂଶଗ୍ରହଣ କରିବା ପାଇଁ ଇଚ୍ଛୁକ ଅଛନ୍ତି ସେମାନେ ଅନୁଷ୍ଠାନର ମେଲ ଆଇଡ଼ି info@bdba.org.in ରେ ଜାନୁଆରୀ ୩୧ ସୁଦ୍ଧା ଅବଗତ କରାଇବା ପାଇଁ ଅନୁରୋଧ କରିଛନ୍ତି । ଫଳରେ ସେମାନଙ୍କ ପଞ୍ଜୀକରଣ କରାଯାଇପାରିବ । ପଞ୍ଜୀକରଣ ବେଳେ ସେମାନେ କେଉଁ ମିଡ଼ିଆରେ କାର୍ କରୁଛନ୍ତି, ସେମାନଙ୍କର ଟି’ ସାର୍ଟ ସାଇଜ କେତେ ତାହା ମଧ୍ୟ ଜଣାଇବାକୁ ଶ୍ରୀ ଚୌଧୁରୀ ଅନୁରୋଧ କରିଛନ୍ତି ।
