ବଦଳିଲେ ଝାରପଡା ଜେଲ୍ ସୁପରିଟେଣ୍ଡେଂଟ

May 13, 2021 - 06:43 Updated: May 13, 2021 - 06:43

2923

ଭୁବନେଶ୍ୱର: ଜେଲ୍ ବିଭାଗରେ ଅଦଳ ବଦଳ ହୋଇଛି । ବଦଳିଲେ ଝାରପଡା ଜେଲ୍ ସୁପରିଟେଣ୍ଡଂଟ ଧୀରେନ୍ଦ୍ର ନାଥ ବାରିକ । ବଲାଙ୍ଗିର ଜେଲକୁ ଧରେନ୍ଦ୍ର ନାଥ ବାରିକ ବଦଳିହୋଇ ଗଲେ । ଝାରପଡା ଜେଲର ନୂଆ ସୁପରିଟେଣ୍ଡଂଟ ହେଲେ ସରୋଜ କୁମାର ବିଶ୍ୱାଳ । ବଲାଙ୍ଗିର ଜେଊ୍ ସୁପରିଟେଣ୍ଡଂଟ ଉର୍ମିଳା ମିଞ୍ଜଙ୍କୁ ପୁରୀ ଜେଲକୁ ବଦଳି ହୋଇ ଗଲେ । ପ୍ରକାଶ ଯେ, ଝାରପଡା ଜେଲ ଭିତର ଏକ ଭିଡିଓ ଭାଇରାଲ ହେବା ପରେ ଅନେକ ରହସ୍ୟ ଖୋଲିଛି । ଟଙ୍କା ଦେଲେ ଝାରପଡା ଜେଲ୍ ଭିତର ଗଞ୍ଜେଇ , ଡ୍ରଗସ ପାଉଡର ଇତ୍ୟାଦି ମିଳିଥାଏ । ଏବେ ସୋସିଆଲ ମିଡିଆରେ ୩ଟି ଭିଡିଓ ଘୂରି ବୁଲୁଛି । ଯାହ ଗତ ଦିନ ତଳର ବୋଲି ଜଣାପଡିଛି । ଗୋଟିଏ ଭିଡିଓରୁ ଜଣା ପଡୁଛି ଜଣେ କଏଦୀଙ୍କଠାରୁ ନେଇ ଗଞ୍ଜେଇ ଯୋଗାଇ ଦେଉଛନ୍ତି ୱାର୍ଡର । ଅନ୍ୟ ଏକ ଭିଡିଓରେ କିଛି କଏଦୀ ମିଶି ଡାନ୍ସ କରୁଛନ୍ତି । ୪ ମିନିଟ ୧୬ ସେକେଣ୍ଡର ତୃତୀୟ ଭିଡିଓରେ ରହିଛି ଭଜନ କାର୍ଯ୍ୟକ୍ରମ । ଯାହା ପଣା ସଂକ୍ରାନ୍ତି ଦିନ ରେକର୍ଡିଂ କରାଯାଇଛି । ସେଥିରେ ଦେଖା ଯାଉଛି ଯେ ଗଞ୍ଜେଇ ଦଳା ହୋଇ ଚିଲମରେ ପଶୁଛି । ତାପରେ ବେଧଡ ଚାଲିଛି ଗଞ୍ଜେଇ ମାଡ ।