ବହୁ ଶିଘ୍ର ବିଦା ହେବେ ମହାରାଷ୍ଟ୍ର ଗୃହମନ୍ତ୍ରୀ !
ବହୁ ଶିଘ୍ର ବିଦା ହେବେ ମହାରାଷ୍ଟ୍ର ଗୃହମନ୍ତ୍ରୀ !
admin
2444
ମୁମ୍ବାଇ: ରାଜନୀତିରେ ଘଡ଼ିକେ ଘୋଡ଼ା ଛୁଟିଥାଏ । ମହାରାଷ୍ଟ୍ରର ବର୍ତ୍ତମାନ ପରିସ୍ଥିତି ପ୍ରତି ଦୃଷ୍ଟି ଦେଲେ ଏହା ସହଜରେ ପ୍ରମାଣିତ ହେବ । କାରଣ ମହାରାଷ୍ଟ୍ରର ଗୃହମନ୍ତ୍ରୀ ଅନୀଲ ଦେଶମୁଖ ଏବେ ମନ୍ତ୍ରିମଣ୍ଡଳରୁ ବିଦା ହୋଇପାରନ୍ତି । ଦିନେ ଯିଏ ମହାରାଷ୍ଟ୍ର ରାଜନୀତିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିଭାଉଥିଲେ ତାଙ୍କର ଯେ ଏପରି ଅବସ୍ଥା ହେବାକୁ ଯାଉଛି ତାକୁ ନେଇ ରାଜନୈତିକ ବିଶେଷଜ୍ଞମାନେ ସହଜରେ ଗ୍ରହଣ କରିପାରୁନାହାନ୍ତି । ତେବେ ତାଙ୍କୁ ମନ୍ତ୍ରିମଣ୍ଡଳରୁ ବିଦା କରାଯିବା ସମ୍ପର୍କରେ ପରୋକ୍ଷ ସୂଚନା ଦେଇଛନ୍ତି ଏନସିପି ମୁଖ୍ୟ ଶରଦ ପାୱାର । ଏକ ସାମ୍ବାଦିକ ସମ୍ମିଳନୀରେ ଶ୍ରୀ ପାୱାର ଏଭଳି ସୂଚନା ଦେଇଛନ୍ତି । ପୂର୍ବତନ ମୁମ୍ବାଇ ପୁଲିସ କମିଶନର ପରମବୀର ସିଂହଙ୍କ ଚିଠିକୁ ନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ଶ୍ରୀ ପାୱାର ଏଭଳି ପରୋକ୍ଷ ସୂଚନା ଦେଇଛନ୍ତି । ଦେଶମୁଖଙ୍କ ବିରୋଧରେ ଆସିଥିବା ଅଭିଯୋଗ ଅତ୍ୟନ୍ତ ଗୁରୁତର ବୋଲି ଶରଦ ପାୱାର କହିଛନ୍ତି । ତେବେ ନିଷ୍ପତ୍ତି ନେବାର ସମ୍ପୂର୍ଣ୍ଣ ଅଧିକାର ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ଅଛି । ତଦନ୍ତ ନିଦେ୍ର୍ଧଶ ପରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଦେଶମୁଖଙ୍କ ସମ୍ପର୍କରେ ନିଷ୍ପତ୍ତି ନେଇପାରିବେ । ଦେଶମୁଖଙ୍କୁ ନେଇ ଆସନ୍ତାକାଲି ସୁଦ୍ଧା ନିଷ୍ପତ୍ତି ନିଆଯିବ ବୋଲି ଶ୍ରୀ ପାୱାର କହିଛନ୍ତି ।
ପ୍ରକାଶ ଯେ, ପୂର୍ବତନ ମୁମ୍ବାଇ ପୁଲିସ କମିଶନର ପରମବୀର ସିଂହ ମୁଖ୍ୟମନ୍ତ୍ରୀ ଶ୍ରୀ ଠାକରେଙ୍କୁ ମହାରାଷ୍ଟ୍ରର ଗୃହମନ୍ତ୍ରୀ ଅନୀଲ ଦେଶମୁଖଙ୍କ ବିରୋଧରେ ଚିଠି ଲେଖି ଗୁରୁତର ଅଭିଯୋଗ ଆଣିଥିଲେ । ମାସକୁ ୧୦୦କୋଟି ଆଦାୟ ପାଇଁ ଦେଶମୁଖ ନିଦେ୍ର୍ଧଶ ଦେଇଥିବା ପରମବୀର ସିଂହ ମୁଖ୍ୟମନ୍ତ୍ରୀ ଶ୍ରୀ ଠାକରେଙ୍କୁ ଚିଠି ଲେଖିଥିଲେ । ସଚିବ ଭାଜେଙ୍କୁ ଟଙ୍କା ଆଦାୟ ପାଇଁ ଦେଶମୁଖ କହିଥିବା ସେ ଚିଠି ଲେଖିଥିଲେ ।
