ବିଗ୍ ବି ନେଲେ ବଡ ପଦକ୍ଷେପ

Apr 6, 2020 - 12:37 Updated: Apr 6, 2020 - 12:37

4002

କରୋନା ଲକଡାଉନ ସମଗ୍ର ଦେଶବାସୀଙ୍କ ମାନସିକ ସ୍ଥିତିକୁ ଦୋହଲାଇ ଦେଇଥିବା ବେଳେ ଏଭଳି ବିପତ୍ତିକୁ ସାମ୍ନା କରୁଥିବା ଫିଲ୍ମ ଶିଳ୍ପ ସହ ଜଡ଼ିତ ୧ ଲକ୍ଷ ଶ୍ରମିକଙ୍କୁ ରାସନ ଯୋଗାଇ ଦେବେ ମେଗାଷ୍ଟାର ଅମିତାଭ ବଚ୍ଚନ । ସୋନି ପିକଚର୍ସ ନେଟୱାର୍କ ପକ୍ଷରୁ ଏହି ସୂଚନା ମିଳିଛି । ବିଗ ବିଙ୍କ ଏପରି ପଦକ୍ଷେପକୁ ତାଙ୍କର ପ୍ରଶଂସକମାନେ ଖୁବ ପ୍ରଶଂସା କରିଛନ୍ତି । ଏହି ମହାବିପତ୍ତି ବେଳେ ବଲିଉଡର ବହୁ ସେଲିବ୍ରିଟି କରୋନା ମୁକାବିଲା ପାଇଁ ଦାନ ଦେଉଥିବା ବେଳେ ଅମିତାଭ ବଚ୍ଚନ ଏଥିରେ ସାମିଲ ହୋଇନଥିବାରୁ ଅନେକ ଏଥିପାଇଁ ତାଙ୍କୁ ଟ୍ରୋଲ କରିଥିଲେ । ବିଗ୍ ବି ମଧ୍ୟ ଏହାର ଜବାବରେ ଏକ କବିତା ଲେଖିଥିଲେ । କବିତା ଜରିଆରେ ସେ କହିଥିଲେ ଯେ ସେ ଲୋକମାନଙ୍କୁ ସାହାଯ୍ୟ କରୁଛନ୍ତି । ମାତ୍ର ଏ ସମ୍ପର୍କରେ ସେ ପ୍ରଚାର କରୁନାହାନ୍ତି । କିଛି ଲୋକ ଅଛନ୍ତି ଯିଏ ଦାନ ଦେଇ ପ୍ରଚାର କରନ୍ତି କିନ୍ତୁ ଦ୍ୱିତୀୟ ଶ୍ରେଣୀର ଲୋକେ ଦାନ ଦିଅନ୍ତି । ହେଲେ ଏହାର ପ୍ରଚାର କରନ୍ତି ନାହିଁ । ମୁଁ ସେଇ ଦ୍ୱିତୀୟ ଶ୍ରେଣୀର ଲୋକମାନଙ୍କ ମଧ୍ୟରେ ରହିବାକୁ ପସନ୍ଦ କରେ ।