ବିଜେଡି କର୍ମୀଙ୍କୁ ସହାୟତା ପାଇଁ କର୍ପସ ଫଣ୍ଡ
ବିଜେଡି କର୍ମୀଙ୍କୁ ସହାୟତା ପାଇଁ କର୍ପସ ଫଣ୍ଡ
admin
4092
ଭୁବନେଶ୍ୱର: ବିଜେଡିର ଦୁଇ ଦିନିଆ ରାଜ୍ୟ କାର୍ଯ୍ୟକାରିଣୀ ଓ ରାଜ୍ୟ ପରିଷଦ ବୈଠକ ଶେଷ ହୋଇଛି । ଉଭୟ କାର୍ଯ୍ୟକାରିଣୀ ଓ ପରିଷଦର ମୋଟ ୨୭ଟି ପ୍ରସ୍ତାବକୁ ମୋହର ଲାଗିଛି । ଯେଉଁଥିରେ ରାଜନୈତିକ, ସାଂଗଠନିକ ପ୍ରସ୍ତାବ ମଧ୍ୟ ରହିଛି । ଏହି ଅବସରରେ ଏକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ପାରିତ ହୋଇଛି । ଯେ ବିଜେଡିର କୌଣସି କର୍ମୀ ଯଦି ଅକାଳରେ ପ୍ରାଣ ହରାନ୍ତି, ତେବେ ତାଙ୍କ ସହାୟତା ପାଇଁ ଦଳ ଆଗେଇ ଆସିବ । ଏଥିପାଇଁ ଏକ କର୍ପସ ପାଣ୍ଠି ଗଠନ ହେବ । ସେହିଭଳି ସରକାରୀ ହାଇସ୍କୁଲରେ ଛାତ୍ରଛାତ୍ରୀଙ୍କୁ ମେଡିକାଲ ଓ ଇଞ୍ଜିନିୟରିଂ କଲେଜରେ ୧୦% ସ୍ଥାନ ସଂରକ୍ଷଣ ପ୍ରସ୍ତାବ ପାରିତ ହୋଇଛି । ବିଜେଡିର ସାଧାରଣ ସମ୍ପାଦକ (ଗଣମାଧ୍ୟମ ବ୍ୟାପାର) ମାନସ ରଞ୍ଜନ ମଙ୍ଗରାଜଙ୍କ ସଞ୍ଚାଳନରେ ଦୁଇଟି ପର୍ଯ୍ୟାୟରେ ସାମ୍ବାଦିକ ସମ୍ମଳିନୀ ହୋଇଥିଲା । ପ୍ର୍ଥମ ପର୍ଯ୍ୟାୟରେ ବିଜେଡି ନେତା ରମେଶ ମାଝୀ, ପ୍ରୀତିରଞ୍ଜନ ଘଡାଇ ଶ୍ରୀମୟୀ ମିଶ୍ର ପ୍ରମୁଖ ବିଜେଡି ନେତାମାନଙ୍କୁ ମୁଖ୍ୟମନ୍ତ୍ରୀ ମାଗିଥିବା ପ୍ରସ୍ତାବ, ଶ୍ରୀରାମଚନ୍ଦ୍ର ଭଞ୍ଜ ଦେଓଙ୍କ ନାମରେ ଉତ୍ତର ଓଡ଼ିଶା ବିଶ୍ୱ ବିଦ୍ୟାଳୟ ନାମକରଣ ଆଦି ସମ୍ପର୍କରେ ହୋଇଥିବା ନିଷ୍ପତ୍ତି ସମ୍ପର୍କରେ ସୂଚନା ଦେଇଥିଲେ । ଅପରାହ୍ନରେ ବିଜେଡିର ବରିଷ୍ଠ ନେତା ଅତନୁ ସବ୍ୟସାଚୀ ନାୟକ, ସ୍ନେହାଙ୍ଗିନୀ ଛୁରିଆ ଓ ଲୋପାମୁଦ୍ରା ବକ୍ସିପାତ୍ର ପ୍ରମୁଖ ବିଧାନ ପରିଷଦ ଗଠନ ପ୍ରକି୍ରୟାକୁ ତ୍ୱରାନିତ କରିବା ପାଇଁ ହୋଇଥିବା ନିଷ୍ପତ୍ତି ସମ୍ପର୍କରେ ସୂଚନା ଦେଇଥିଲେ ।
