ବିଦୁ୍ୟତ ବିଲ୍ ହେଲା କାଳ, ଭାଇ ନେଲା ଭାଇର ଜୀବନ
ବିଦୁ୍ୟତ ବିଲ୍ ହେଲା କାଳ, ଭାଇ ନେଲା ଭାଇର ଜୀବନ
admin
2991
ଔପଦା: ବିଦୁ୍ୟତ ବିଲ କାଳ ହେଲା । ବିଦୁ୍ୟତ ବିଲ ଯୋଗୁଁ ଜଣେ ନିଷ୍ଠୁର ସାନ ଭାଇର ଛୁରାମାଡ଼ରେ ବଡ଼ଭାଇର ଜୀବନ ଯାଇଛି । ଏପରି ଅଭାବନୀୟ କାଣ୍ଡ ବାଲେଶ୍ୱର ଜିଲ୍ଲା ଔପଦା ବ୍ଲକ ଫତେପୁର ପଞ୍ଚାୟତ ଅଧୀନ ଲୁଣିପଦା ଗ୍ରାମରେ ଘଟିଛି । ଏ ନେଇ ମୃତ ବଡ଼ଭାଇଙ୍କ ପତ୍ନୀ ଚମ୍ପା ଗୁରୁବାର ଔପଦା ଥାନାରେ ଏତଲା ଦେବା ପରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଘଟଣାରୁ ପ୍ରକାଶ ଯେ, ବିଦୁ୍ୟତ ବିଲକୁ ନେଇ ଗତ ୧୭ ତାରିଖରେ ଲୁଣିପଦା ଗ୍ରାମର କାଶୀନାଥ ମାଝୀଙ୍କ ସାନ ପୁଅ ବିଶ୍ୱନାଥ ଓ ବଡ଼ ପୁଅ ଜଗବନ୍ଧୁଙ୍କ ମଧ୍ୟରେ ଝଗଡ଼ା ଲାଗିଥିଲା । ଏଥିରେ ଉତ୍ୟକ୍ତ ହୋଇ ବିଶ୍ୱନାଥ ଏକ ଛୁରୀ ଜଗବନ୍ଧୁଙ୍କ ପେଟରେ ଭୁସି ଦେଇଥିଲା । ଗୁରୁତର ଅବସ୍ଥାରେ ପରିବାର ଲୋକେ ଜଗବନ୍ଧୁଙ୍କୁ ଖଇରା ମେଡିକାଲକୁ ନେଇଥିଲେ । ସେଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଜଗବନ୍ଧୁଙ୍କ ମୃତୁ୍ୟ ଘଟିଛି । ମୃତୁ୍ୟ ଖବର ପାଇ ଜଗବନ୍ଧୁଙ୍କ ପତ୍ନୀ ଚମ୍ପା ଏନେଇ ଔପଦା ଥାନାରେ ଏତଲା ଦେଇଛନ୍ତି । ଅଭିଯୋଗ କ୍ରମେ ଔପଦା ଥାନା ଆଇଆଇସି ସୁଜାତା ଖମାରୀ ବିଶ୍ୱନାଥଙ୍କୁ ଗିରଫ କରିଛନ୍ତି ।
