ବିଦ୍ୟୁତ ଆଘାତରେ ଶ୍ବଶୁର ବୋହୂ ମୃତ
ବିଦ୍ୟୁତ ଆଘାତରେ ଶ୍ବଶୁର ବୋହୂ ମୃତ
admin
5491
ରାୟଗଡା : ବିଦ୍ୟୁତ୍ ଆଘାତରେ ଶ୍ବଶୁର ବୋହୂଙ୍କ ମୃତ୍ୟୁ ହୋଇଛି । ଏପରିଏକ ଅଭାବନୀୟ ଘଟଣା ଘଟିଛି ରାୟଗଡା ଜିଲ୍ଲା ବିଷମକଟକର ଠଙ୍ଗପଡା ଗ୍ରାମରେ । ଶନିବାର ସକାଳୁ ଏହି ଦୁର୍ଘଟଣା ଘଟିଥିବାର ସୂଚନା ରହିଛି । ମୃତକ ଶ୍ବଶୁର ହେଉଛନ୍ତି ଦହନୀ ମାଣ୍ଡଙ୍ଗୀ ଓ ତାଙ୍କ ବୋହୂ ହେଉଛି ମାଣ୍ଡାଙ୍ଗୀ । ବୋହୂ ଜଣକ ଚାରି ମାସର ଗର୍ଭବତୀ ଥିବାର ଜଣାପଡିଛି ।
ମିଳିଥିବା ସୂଚନା ଅନୁସାରେ ଘର ବାଡିପଟରେ ବିଦ୍ୟୁତ୍ ତାର ଛିଣ୍ଡି ଗ୍ରିଲ୍ ଉପରେ ପଡିଯାଇଥିଲା । ବୋହୂ ସୁମିତ୍ରା ବାଡିପଟରୁ ପାଣି ନେଇ ଆସୁଥିଲାବେଳେ ବିଦ୍ୟୁତ ତାରସଂସ୍ପର୍ଶରେ ଆସିଥିଲେ । ବୋହୂଙ୍କୁ ବଞ୍ଚାଇବାକୁ ଯାଇ ଶ୍ବଶୁର ମଧ୍ୟ ବିଦ୍ୟୁତ୍ ତାର ସଂସ୍ପର୍ଶରେ ଆସିଥିଲେ । ତେବେ ଦୁହିଁଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା । ତତ୍କ୍ଷଣାତ ତାଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ଦୁହିଁଙ୍କ ମୃତ୍ୟୁ ଘଟିଥିବାର ସୂଚନା ରହିଛି ।
