ବିଧାୟକଙ୍କ ଗୁରୁପୂଜନ : ଗୁରୁଙ୍କ ପାଦ ଧୋଇଲେ, ପ୍ରଣାମ କଲେ
ବିଧାୟକଙ୍କ ଗୁରୁପୂଜନ : ଗୁରୁଙ୍କ ପାଦ ଧୋଇଲେ, ପ୍ରଣାମ କଲେ
admin
6563
ରାଜନଗର : ରଜ ଉତ୍ସବର ଶେଷ ଦିନରେ ରାଜନଗର ନବନିର୍ବାଚିତ ବିଧାୟକ ଧ୍ରୁବଚରଣ ସାହୁଙ୍କ ଦ୍ୱାରା ଗୁରୁପୂଜନ କାର୍ଯ୍ୟକ୍ରମ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛି । ରାଜନଗର ବ୍ଲକ ଓସ୍ତିଆ ପଂଚାୟତ ଜଗନ୍ନାଥପୁର ଶାସନ ନୋଡାଲ ଶିକ୍ଷା ନିକେତନରେ ପୁରାତନ ଛାତ୍ରଛାତ୍ରୀଙ୍କ ପକ୍ଷରୁ ବିଦ୍ୟାଳୟ ପରିସରରେ ଗୁରୁପୂଜନ ଉତ୍ସବର ଆୟୋଜନ କରାଯାଇଥିଲା । ଏହି ଗୁରୁପୂଜନ କାର୍ଯ୍ୟକ୍ରମରେ ଅବସରପ୍ରାପ୍ତ ଶିକ୍ଷକ ଓ ବର୍ତ୍ତମାନର ଶିକ୍ଷକମାନେ ଯୋଗ ଦେଇଥିଲେ । ବିଧାୟକ ସମସ୍ତ ଗୁରୁଙ୍କ ପାଦ ଧୋଇଦେବା ସହ ଆଣ୍ଠୁମାଡ଼ି ପ୍ରଣାମ କରିଥିଲେ ଓ ଉତ୍ତରୀୟ ଦେଇ ଆଶୀର୍ବାଦ ଭିକ୍ଷା କରିଥିଲେ । ବିଦ୍ୟାଳୟର ପୂର୍ବତନ ପ୍ରଧାନଶିକ୍ଷକ ସୁକାନ୍ତ ତ୍ରିପାଠୀଙ୍କ ପୌରହିତ୍ୟରେ ଅନୁଷ୍ଠିତ ଏହି ଗୁରୁପୂଜନ ଉତ୍ସବରେ ପୂର୍ବତନ ପ୍ରଧାନଶିକ୍ଷକ ଦାମୋଦର ଶତପଥି ମୁଖ୍ୟ ଅତିଥିଳ ଶରତ ଚନ୍ଦ୍ର ମହାପାତ୍ର ମୁଖ୍ୟବକ୍ତା, ବସନ୍ତ ପରିଡ଼ା, ରମାକାନ୍ତ ଷଡ଼ଙ୍ଗୀ, ବୃନ୍ଦାବନ ସିଂହ, ଶରତ ରାଉତରାୟ, ମହେଶ୍ୱର ସେଠୀ, ଭାସ୍କର ରାଉତରାୟ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । କାର୍ଯ୍ୟକ୍ରମକୁ ବିରଞ୍ଚି ପ୍ରସାଦ ଜେଠୀ ସଂଯୋଜନା କରିଥିଲେ । ଏହି କାର୍ଯ୍ୟକ୍ରମରେ ପାରେଶ୍ୱର ନାୟକ, ଦିଗମ୍ବର ରାଉତ, ବିନୋଦ ବିହାରୀ ରାଉତ, ବିଜୟ ବେହେରା, କମଳ ଲୋଚନ ରାଉତ, ପ୍ରମୋଦ ରାଉତ ପ୍ରମୁଖ ଯୋଗ ଦେଇଥିଲେ ।
