ବୁମରା ବିଶ୍ୱର ଶ୍ରେଷ୍ଠ ବୋଲର: ସଚିନ

May 14, 2019 - 09:59 Updated: May 14, 2019 - 09:59

1943

ମୁମ୍ବାଇ: ଆଇପିଏଲ-୧୨ ଫାଇନାଲରେ ଚେନ୍ନାଇ ସୁପରକିଙ୍ଗ୍ସଙ୍କୁ ହରାଇ ମୁମ୍ବାଇ ଇଣ୍ଡିଆନ୍ସ ଚତୁର୍ଥ ଥର ପାଇଁ ବିଜେତା ହେବା ପରେ ମୁମ୍ବାଇ ଦ୍ରୁତ ବୋଲର ଯଶପ୍ରୀତ ବୁମରାଙ୍କୁ ମାଷ୍ଟର ବ୍ଳାଷ୍ଟର ସଚିନ ତେନ୍ଦୁଲକର ପ୍ରଶଂସା କରିଛନ୍ତି । ଶେଷ ଓଭର ଗୁଡିକରେ ବୁମରା ପକାଇଥିବା ବଲ ତାଙ୍କ ମନ ଛୁଇଁନେଇଥିବା ବୋଲି ମତ ରଖିବା ସହ ସଚିନ କହିଛନ୍ତି ମୁଁ ଗର୍ବର ସହ କହୁଛି ଯେ ବୁମରା ସାଂପ୍ରତିକ ସମୟର ସର୍ବଶେଷ୍ଠ ଦ୍ରୁତ ବୋଲର । ଆଶା କରୁଛି ସେ ଆହୁରି ଭଲ କରିବେ । ସଚିନଙ୍କ ସହ ଅଲରାଉଣ୍ଡର ଯୁବରାଉଣ୍ଡର ଯୁବରାଜ ସିଂହ ମଧ୍ୟ ଏକମତ ହୋଇଛନ୍ତି । ସେ କହିଛନ୍ତି ବୁମରାଙ୍କ ବୋଲିଂ ଶୈଳୀ ଦେଖିଲେ ଟିକିଏ ଅଡୁଆ ଲାଗେ । ଏଥିପାଇଁ କିନ୍ତୁ ବଲ କେଉଁ ଗତିରେ ତାଙ୍କ ହାତରୁ ଆସିବ, ତାହା ବୁଝିବା କଷ୍ଟକର ହୋଇଯାଇଥାଏ । ବୁମରା ଏବେ ଶ୍ରେଷ୍ଠ ସମୟ ଦେଇ ଗତି କରୁଛନ୍ତି । ସଚିନଙ୍କ ପ୍ରଶଂସା କିନ୍ତୁ ବୁମରାଙ୍କୁ ହୃଦୟକୁ ଛୁଇଁ ଯାଇଥିଲା । ସେ କହିଛନ୍ତି ଏହି ବିଷୟରେ ପ୍ରତିକ୍ରିୟା ଦେବାକୁ ମୋ ପାଖରେ ଶବ୍ଦ ନାହିଁ । ଧନ୍ୟବାଦ ସଚିନ ସାର । ରବିବାର ଆଇପିଏଲ ଫାଇନାଲ ବେଶ ଉକôଣ୍ଠାପୂର୍ଣ୍ଣ ରହିଥିଲେ ମଧ୍ୟ କୌଣସି ସମୟରେ ସେ ଚାପଗ୍ରସ୍ତ ହୋଇ ନଥିଲେ ବୋଲି ବୁମରା ସ୍ପଷ୍ଟ କରି ଦେଇଛନ୍ତି । ବୁମରାଙ୍କ ସହ ସଚିନ ମୁମ୍ବାଇର ଯୁବ ସ୍ପିନର ରାହୁଲ ଚହରଙ୍କୁ ମଧ୍ୟ ପ୍ରଶଂସା କରିଛନ୍ତି । ରାହୁଲ ସ୍ୱତନ୍ତ୍ର ପ୍ରତିଭାଧାରୀ । ଚମକôାର ବୋଲର ବୋଲି ସଚିନ କହିଛନ୍ତି । ରବିବାର ରାହୁଲ ନିଜ ୪ ଓଭରରେ ମାତ୍ର ୧୪ ରନ ବ୍ୟୟ କରି ଗୋଟିଏ ୱିକେଟ ଅକ୍ତିଆର କରିଥିଲେ ।