ଭୋଟ ଫଳାଫଳର ଫଟାଫଟ୍ ଖବର : ନନ୍ଦୀଗ୍ରାମରେ ମମତା ପଛୁଆ
ଭୋଟ ଫଳାଫଳର ଫଟାଫଟ୍ ଖବର : ନନ୍ଦୀଗ୍ରାମରେ ମମତା ପଛୁଆ
admin
3725
କୋଲକାତା : ସାରା ଦେଶର ନଜର ଏବେ ନନ୍ଦୀଗ୍ରାମ ଉପରେ । ଜିଦରେ ମମତା ବାନାର୍ଜୀ ନିଜ ମୂଳ ଆସନ ଛାଡ଼ି ନନ୍ଦୀଗ୍ରାମରେ ଲଢ଼ିଥିବାବେଳେ ଏକଦା ତାଙ୍କର ଏକାନ୍ତ ଅନୁଗତ ଥିବା ଶୁଭେନ୍ଦୁ ଚୌଧୁରୀ ତାଙ୍କ ବିରୋଧରେ ବିଜେପିରୁ ପ୍ରାର୍ଥୀ ହୋଇଛନ୍ତି । ଏବେ ପୋଷ୍ଟାଲ ଭୋଟ ଗଣତି ଚାଲିଥିବାବେଳେ ଶୁଭେନ୍ଦୁ ନନ୍ଦୀଗ୍ରାମରେ ଆଗୁଆ ଅଛନ୍ତି । ଯେତେବେଳେକି ମମତା ପଛରେ ରହିଛନ୍ତି । ତେବେ ଇଭିଏମ ଭୋଟ ଗଣତି ଆରମ୍ଭ ହୋଇନଥିବାରୁ ନନ୍ଦୀଗ୍ରାମର ଜନତା କାହା ସପକ୍ଷରେ ଭୋଟ ଦେଇଛନ୍ତି ତାହାର ସ୍ପଷ୍ଟ ଚିତ୍ର ଆସିପାରିନାହିଁ ।
ସୂଚନାଯୋଗ୍ୟଯେ, ପଶ୍ଚିମବଙ୍ଗରେ ୨୯୨ ଆସନ ଥିବାବେଳେ ପୋଷ୍ଟାଲ ଭୋଟ ଗଣତିରେ ମମତାଙ୍କ ଟିଏମସି ୮୭ ଓ ବିଜେପି ୮୦ ଆସନରେ ଆଗରେ ରହିଛି । ଯେତେବେଳେକି କଂଗ୍ରେସ ଓ ବାମ ମେଂଟ ୪ ଆସନରେ ଆଗୁଆ ରହିଛି ।
ନନ୍ଦୀଗ୍ରାମ ହେଉଛି ଶୁଭେନ୍ଦୁଙ୍କ ଗଡ଼ । ଉଭୟ ବାଜିମାତ କରିବା ନେଇ ଦୃଢ଼ ଆଶାବାଦୀ ରହିଛନ୍ତି । ବିଜେପି ମଧ୍ୟ ନନ୍ଦୀଗ୍ରାମ ଉପରେ ସବୁଠାରୁ ଅଧିକ ଗୁରୁତ୍ୱ ଦେଇଥିଲା ।
