ମିଡିଆ ଟ୍ରାଏଲକୁ ଆମେ ସମର୍ଥନ କରୁନୁ: କେନ୍ଦ୍ର
ମିଡିଆ ଟ୍ରାଏଲକୁ ଆମେ ସମର୍ଥନ କରୁନୁ: କେନ୍ଦ୍ର
admin
2573
ମୁମ୍ବାଇ: ମିଡିଆ ଟ୍ରାଏଲ ପ୍ରସଙ୍ଗରେ କେନ୍ଦ୍ର ସରକାର ବମ୍ବେ ହାଇକୋର୍ଟରେ ମତ ରଖିଛନ୍ତି । ସରକାର ମିଡିଆ ଟ୍ରାଏଲ ସପକ୍ଷରେ ନାହାନ୍ତି ବୋଲି କହିଛନ୍ତି । ତେବେ ଉଭୟ ପି୍ରଣ୍ଟ ଓ ଇଲେକ୍ଟ୍ରନିକ ମିଡିଆ ପାଇଁ ପୂର୍ବରୁ ବୈଧାନିକ ଏବଂ ସ୍ୱ ନିୟାୟମକ ନିଦେ୍ର୍ଧଶାବଳୀ ରହିଛି ବୋଲି କେନ୍ଦ୍ର ସରକାର କହିଛନ୍ତି । ତେବେ ଟିଭି ଚ୍ୟାନେଲ ପାଇଁ ଏକ ଘରୋଇ ସଂସ୍ଥା ନ୍ୟାସନାଲ ବ୍ରଡକାଷ୍ଟର ଆସୋସିଏସନକୁ ସୁପି୍ରମକୋର୍ଟ ନିୟାମକ ପ୍ରାଧିକରଣ ଭାବେ ରହିଛନ୍ତି । ଗଣମାଧ୍ୟମ ସ୍ୱାଧୀନତାରେ ହସ୍ତକ୍ଷେପ ନ କରିବା ଉଚିତ ବୋଲି ପୂର୍ବରୁ ସୁପି୍ରମକୋର୍ଟ କହିଥିଲେ ବୋଲି କେନ୍ଦ୍ର ସରକାର ବମ୍ବେ ହାଇକୋର୍ଟଙ୍କୁ କହିଛନ୍ତି । ଉଲ୍ଲେଖଯୋଗ୍ୟ ସୁଶାନ୍ତ ସିଂହ ରାଜପୁତ ମୃତୁ୍ୟ ମାମଲାରେ କିଛି ନୁ୍ୟଜ ଚ୍ୟାନେଲରେ ପ୍ରସାରିତ ହେଉଥିବା ଖବର ଉପରେ ରୋକ ଲଗାଇବା ପାଇଁ ବମ୍ବେ ହାଇକୋର୍ଟରେ ଏକ ପିଆଇଏଲ ଦାଖଲ ହୋଇଥିଲା । ଦାଖଲ ହୋଇଥିବା ଏହି ପିଆଇଏଲରେ କିଛି ବରିଷ୍ଠ ପୁଲିସ ଅଧିକାରୀ ମଧ୍ୟ ଆବେଦନକାରୀ ଥିଲେ । ସୁଶାନ୍ତ ସିଂହ ମୃତୁ୍ୟ ମାମଲାରେ କିଛି ନୁ୍ୟଜ ଚ୍ୟାନେଲ ମିଡିଆ ଟ୍ରାଏଲ କରୁଛନ୍ତି ବୋଲି ସେମାନେ ଅଭିଯୋଗ କରିଥିଲେ । ମୁଖ୍ୟ ବିଚାରପତି ଦୀପଙ୍କର ଦତ୍ତ ଓ ଜଷ୍ଟିସ ଜିଏସ କୁଲକନିଙ୍କ ଖଣ୍ଡପୀଠରେ ଏହି ମାମଲାର ଶୁଣାଣି ହୋଇଥିଲା । ତେବେ କେନ୍ଦ୍ର ସରକାରଙ୍କ ପକ୍ଷରୁ ଅତିରିକ୍ତ ସିଲିସିଟର ଜେନେରାଲ ଅନିଲ ସିଂହ କହିଥିଲେ ଯେ, ଟିଭି ନୁ୍ୟଜ ବିଷୟବସ୍ତୁ ପାଇଁ ପୂର୍ବରୁ ବୈଧାନିକ ନିୟମାବଳୀ ରହିଛି । କିନ୍ତୁ ସରକାର ଆଦୌ ମିଡ଼ିଆ ଟ୍ରାଏଲ ସପକ୍ଷରେ ନାହାନ୍ତି ବୋଲି ସେ କହିଥିଲେ ।
