ମୁଁ ନବୀନଙ୍କ ସହ ଅଛି: ମକରନ୍ଦ
ମୁଁ ନବୀନଙ୍କ ସହ ଅଛି: ମକରନ୍ଦ
admin
5047
ଭୁବନେଶ୍ୱର: ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଅଛି । କିନ୍ତୁ ବିଜୁ ଜନତା ଦଳ ବା ବିଜେଡି ସହ ନାହିଁ । ଏହା କହିଛନ୍ତି ରାୟଗଡ଼ାର ସ୍ୱାଧୀନ ବିଧାୟକ ମକରନ୍ଦ ମୁଦୁଲି । ପ୍ରକାଶ ଯେ, ଆଜି ଶ୍ରୀ ମୁଦୁଲିଙ୍କୁ ନବୀନ ନିବାସରେ ଦେଖିବାକୁ ମିଳିଥିଲା । ହିଣ୍ଡାଲକୋ ପ୍ଲାଣ୍ଟକୁ ଅନୁମୋଦନ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେବାକୁ ଶ୍ରୀ ମୁଦୁଲି ନବୀନ ନିବାସ ଆସିଥିଲେ । ଶ୍ରୀ ମୁଦୁଲି ମୁଖ୍ୟମନ୍ତ୍ରୀଙ୍କୁ ଭେଟି ତାଙ୍କୁ ଧନ୍ୟବାଦ ଜଣାଇଥିଲେ ।
ପରେ ନିଜ ପ୍ରତିକ୍ରିୟାରେ କହିଥିଲେ ଯେ, ମୁଁ ସରକାର ଓ ନବୀନଙ୍କ ସହ ଅଛି । କିନ୍ତୁ ବିଜେଡି ସହ ନାହିଁ ବୋଲି ମକରନ୍ଦ ସ୍ପଷ୍ଟଭାବେ କହିଥିଲେ । ତେବେ ରାଜ୍ୟସଭା ନିର୍ବାଚନରେ କଣ ଅଭିମୁଖ୍ୟ ରହିବ ବୋଲି ପ୍ରଶ୍ନରେ ନିର୍ବାଚନ ବେଳେ ନିଷ୍ପତ୍ତି ନିଆଯିବ ବୋଲି ଶ୍ରୀ ମୁଦୁଲି କହିଛନ୍ତି ।
