ମୋଦୀ ପ୍ରଧାନ ପ୍ରଚାର ମନ୍ତ୍ରୀ:ପ୍ରିୟଙ୍କା

Apr 25, 2019 - 06:29 Updated: Apr 25, 2019 - 06:29

4266

ଲକ୍ଷ୍ନୌ: କଂଗେସ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ ଦଳର ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଚତୁର୍ଥ ପର୍ଯ୍ୟୟ ନିର୍ବାଚନ ପାଇଁ ଆଜି ଉତର ପ୍ରଦେଶରେ ପ୍ରଚାର କାର୍ଯ୍ୟକୁ ଜୋରଦାର କରିଛନ୍ତି । ରାହୁଲ ଗାନ୍ଧୀ ଆଜି ଖେରି ଉନ୍ନାଓ ଏବଂ କାନପୁର ନିର୍ବାଚନ ମଣ୍ଡଳୀରେ ପଚାର କରିଥିବାବେଳେ ପ୍ରିୟଙ୍କା ଖାଗା ଗାଜିପୁର ଏବଂ ଫତେପୁରରେ ର୍ୟାଲି କରିଛନ୍ତି । ସେହିପରି ମାହୋବା ଜିଲ୍ଲାରେ ପ୍ରିୟଙ୍କା ଆଜି ରୋଡ ସୋ କରିଛନ୍ତି । ଉତରପ୍ରଦେଶ ବୁନ୍ଦଲଖଣ୍ଡ ଅଂଚଳ ଅଧୀନସ୍ଥ ବାନ୍ଦାରେ ଆଜି ପ୍ରିୟଙ୍କା ଜନସାଧାରଣଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ‘ପ୍ରଧାନ ପ୍ରଚାର ମନ୍ତ୍ରୀ’ ବୋଲି କହିଛନ୍ତି । ମୋଦୀ କାମ କମ କରୁଛନ୍ତି , କିନ୍ତୁ ପ୍ରଚାର ଅଧିକ କରୁଛନ୍ତି ବୋଲି ପ୍ରିୟଙ୍କା କହିଛନ୍ତି । ବାନ୍ଦାରେ ବିଜେପି ପାନୀୟ ଜଳକୁ ନଷ୍ଟ କରିଦେଇଛି ବୋଲି ଅଭିଯୋଗ କରି ସେ କହିଛନ୍ତି ଯେ ,ଏଠି ମୋଦୀଙ୍କୁ ସ୍ୱାଗତ କରିବାପାଇଁ ପାନୀୟ ଜଳକୁ ରାସ୍ତାରେ ଢଳା ଯାଇ ରାସ୍ତା ସଫା କରାଯାଉଛି । ନକାରାତ୍ମକ ରାଜନୀତିର ମୂଳୋପôାଟନ ହେବା ଦରକାର ଏବଂ ଭବିଷ୍ୟତ ପିଢି ପାଇଁ ଏବଂ ଦେଶକୁ ସୁରକ୍ଷା ଦେବାପାଇଁ ରାଜନୀତି ବଦଳିବା ଦରକାର ବୋଲି ପ୍ରିୟଙ୍କା କହିଛନ୍ତି । ମୋଦୀ ଜଣେ ଚୌକିଦାର ନା ଦିଲ୍ଲୀରୁ ଆସିଥିବା ଜଣେ ସମ୍ରାଟ ତାହା ସ୍ପଷ୍ଟ କରନ୍ତୁ ବୋଲି ସେ କହିଛନ୍ତି । ଉଲ୍ଲେଖଯୋଗ୍ୟ ଉତରପ୍ରଦେଶର ୮୦ ଲୋକସଭା ଆସନରୁ ଏଯାବତ ୨୬ଟି ଆସନରେ ନିର୍ବାଚନ ସରିଛି ।