ଯୁବକଙ୍କ ମୃତୁ୍ୟରୁ ଉତେଜନା : ଜାଳିଦେଲେ ପୋଲିସ ଗାଡି
ଯୁବକଙ୍କ ମୃତୁ୍ୟରୁ ଉତେଜନା : ଜାଳିଦେଲେ ପୋଲିସ ଗାଡି
admin
5951
ଭଦ୍ରକ: ପୋଖରୀରୁ ଜଣେ ଯୁବକଙ୍କ ମୃତଦେହ ଉଦ୍ଧାର ପରେ ଉତ୍ତ୍ୟକ୍ତ ଲୋକେ ପୁଲିସ ଭ୍ୟାନକୁ ଜାଳିଦେବା ଭଳି ଏକ ଅଭାବନୀୟ ଘଟଣା ଘଟିଛି । ରାସ୍ତା ଅବରୋଧ ସହ ଉତ୍ତ୍ୟକ୍ତ ଲୋକେ ପୁଲିସ ଭ୍ୟାନରେ ନିଆଁ ଲଗାଇ ଦେଇଛନ୍ତି । ତିହିଡ଼ି ଥାନା ହାତୁଆରି ଗ୍ରାମର ଯୁବକଙ୍କ ମୃତୁ୍ୟକୁ ନେଇ ତୁମୁଳକାଣ୍ଡ ଘଟିଛି ।
ପ୍ରକାଶ ଯେ, ଏକ ମାମଲାରେ ସମ୍ପୃକ୍ତ ଯୁବକ ଜଣକ ପୁଲିସ ଜେରାର ସମ୍ମୁଖୀନ ହୋଇଥିଲେ । ତେବେ ପୁଲିସର ଜେରା ପରେ ଯୁବକ ଜଣକ ନିଖୋଜ ଥିଲେ । ଗାଁ ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର ପରେ ଉତ୍ତେଜନା ସୃଷ୍ଟି ହୋଇଥିଲା । ଉତ୍ତ୍ୟକ୍ତ ଲୋକେ ଭଦ୍ରକ-ଚାନ୍ଦବାଲି ରାସ୍ତା ଅଲ୍ଲୀ ନଗରରେ ଶବ ରଖି ରାସ୍ତାରୋକ କରିଥିଲେ । ତେବେ ଏହି ସମୟରେ ଘଟଣାସ୍ଥଳକୁ ଆସିଥିବା ଏକ ପୁଲିସ ଭ୍ୟାନକୁ ଉତ୍ତ୍ୟକ୍ତ ଲୋକେ ଜାଳି ଦେଇଛନ୍ତି ।
