ରାଜ୍ୟରେ କାର୍ଯ୍ୟକାରୀ ହେବ ରୋଡ ଡ୍ରାଇଭିଂ ରେଗୁଲେସନ :ଲେନ ଅନୁଯାୟୀ ଚାଲିବ ଗାଡ଼ି, ପ୍ରଥମ ପର୍ଯ୍ୟାୟରେ କଟକ-ଭୁବନେଶ୍ୱର
ରାଜ୍ୟରେ କାର୍ଯ୍ୟକାରୀ ହେବ ରୋଡ ଡ୍ରାଇଭିଂ ରେଗୁଲେସନ :ଲେନ ଅନୁଯାୟୀ ଚାଲିବ ଗାଡ଼ି, ପ୍ରଥମ ପର୍ଯ୍ୟାୟରେ କଟକ-ଭୁବନେଶ୍ୱର
admin
2360
କଟକ: ରାଜ୍ୟରେ ‘ରୋଡ ଡ୍ରାଇଭିଂ ରେଗୁଲେସନ’ କାର୍ଯ୍ୟକାରି ହେବ । ଜାତୀୟ ରାଜପଥର ବିଭିନ୍ନ ଲେନରେ ନିୟମ ଅନୁଯାୟୀ କେବଳ ନିର୍ଦ୍ଧିଷ୍ଟ ଗାଡ଼ି ହିଁ ଚାଲିବ । ଗୋଟିଏ ଲେନକୁ ଛାଡ଼ି ମନମୁଖି ଭାବେ କୌଣସି ଗାଡ଼ି ଅନ୍ୟ ଲେନକୁ ଯାଇପାରିବ ନାହିଁ । ଯଦି କେହି ଏ ନିୟମର ଉଲ୍ଲଂଘନ କରନ୍ତି ତାହେଲେ ତାଙ୍କ ବିରୋଧରେ ଆଇନ ଅନୁଯାୟୀ ପଦକ୍ଷେପ ନିଆଯିବ । ଏହି ନିୟମକୁ ତୁରନ୍ତ କାର୍ଯ୍ୟକାରୀ କରିବାକୁ ରାଜ୍ୟ ବାଣିଜ୍ୟ ଓ ପରିବହନ ପ୍ରମୁଖ ଶାସନ ସଚିବ ମଧୁସୂଦନ ପାଢ଼ୀ ପୁଲିସ ଡିଜିଙ୍କୁ ଚିଠି ଲେଖିଛନ୍ତି । ସୁପି୍ରମକୋର୍ଟଙ୍କ ନିଦେ୍ର୍ଧଶକ୍ରମେ ଡ.ରାଧାକି୍ରଷ୍ଣନଙ୍କ ଅଧ୍ୟକ୍ଷତାରେ ଗଠିତ କମିଟି ସଡ଼କ ଦୁର୍ଘଟଣା ହ୍ରାସ ପାଇଁ କେତେକ ପରାମର୍ଶ ଦେଇଥିଲେ । ଏଥି ମଧ୍ୟରୁ ଗୋଟିଏ ‘ଲେନ ଡ୍ରାଇଭିଂ ରେଗୁଲେସନ’ । ସଡ଼କ ଦୁର୍ଘଟଣା ହ୍ରାସ ପାଇଁ ଏହି ନିୟମକୁ ବିଭିନ୍ନ ରାଜ୍ୟରେ ତୁରନ୍ତ କାର୍ଯ୍ୟକାରୀ କରିବା ଲାଗି ସର୍ବୋଚ୍ଚ ଅଦାଲତ ଆଦେଶ ଦେଇଛନ୍ତି ।
