ରୋଜଭ୍ୟାଲି ଚିଟଫଣ୍ଡ କମ୍ପାନିର ୩୦୪ କୋଟି ଟଙ୍କାର ସମ୍ପତ୍ତି ନିଜ ଅକ୍ତିଆରକୁ ନେଲା ଇଡି
ରୋଜଭ୍ୟାଲି ଚିଟଫଣ୍ଡ କମ୍ପାନିର ୩୦୪ କୋଟି ଟଙ୍କାର ସମ୍ପତ୍ତି ନିଜ ଅକ୍ତିଆରକୁ ନେଲା ଇଡି
admin
6061
ଭୁବନେଶ୍ୱର : ବହୁଚର୍ଚ୍ଚିତ ରୋଜଭ୍ୟାଲି ଚିଟଫଣ୍ଡ କମ୍ପାନିର ୩୦୪ କୋଟି ଟଙ୍କାର ସମ୍ପତ୍ତି ନିଜ ଅକ୍ତିଆରକୁ ନେଇଛି ପ୍ରବର୍ତ୍ତନ ନିଦେ୍ର୍ଧଶାଳୟ(ଇଡି) । ଏହା ଭିତରେ ଉଭୟ ସ୍ଥାବର ଓ ଅସ୍ଥାବର ସମ୍ପତ୍ତି ରହିଥିବା ଜଣାପଡ଼ିଛି । କେଉଁ କେଉଁ ନିର୍ଦ୍ଧିଷ୍ଟ ସମ୍ପତ୍ତି ସମ୍ପର୍କରେ ଇଡି ପକ୍ଷରୁ ସୂଚନା ଦିଆଯାଇ ନଥିଲେ ମଧ୍ୟ ଜମି, କୋଠା, ଦାମୀ କାର, ସୁନା ଅଳଙ୍କାର, ବ୍ୟାଙ୍କ ଜମା ରହିଥିବା ଜଣାପଡ଼ିଛି । ଅଧିକାଂଶ ସମ୍ପତ୍ତି ପଶ୍ଚିମବଙ୍ଗରେ ରହିଥିବା ସୂଚନା ମିଳିଛି । ମିଳିଥିବା ସୂଚନା ଅନୁସାରେ, ଇଡିର ୩ଟି ପ୍ରକ୍ରିୟା ରହିଛି । ପ୍ରଥମଟି ହେଲା ସମ୍ପତ୍ତି ଜବତ, ଦ୍ୱିତୀୟଟି ଅକ୍ତିଆରକୁ ନେବା ଏବଂ ତୃତୀୟଟି ବାଜ୍ୟାପ୍ତି । ତେଣୁ ଏବେ ଇଡି ଏହାକୁ ଅକ୍ତିଆରକୁ ନେଇଛି । ପୂର୍ବରୁ ଇଡିର ଭୁବନେଶ୍ୱର ଶାଖା ୩୨୫କୋଟି ଟଙ୍କାର ବ୍ୟାଙ୍କ ଜମା ଜବତ କରିଥିଲା । ଉଲ୍ଲେଖଯୋଗ୍ୟ, ଲୋକଙ୍କୁ ଜମା ଟଙ୍କାର ୨୧ପ୍ରତିଶତ ସୁଧ ହାର ଲୋଭ ଦେଖାଇଥିଲା ରୋଜଭ୍ୟାଲି । କୋଲକାତାର ଏହି କମ୍ପାନି ଓଡ଼ିଶା, ଆସାମରେ ଲୋକଙ୍କଠାରୁ କୋଟି କୋଟି ଟଙ୍କାର ଠକେଇ କରିଥିଲା । ସାରା ଦେଶରୁ ପ୍ରାୟ ୧୭ହଜାର କୋଟି ଟଙ୍କାର ଠକେଇ କରିଥିବା ଅଭିଯୋଗ ହୋଇଥିଲା । ମାମଲାର ତଦନ୍ତଭାର ସିବିଆଇ ନେଇଥିଲା । ଏହି ମାମଲାରେ କମ୍ପାନି ମୁଖ୍ୟ ଗୌତମ କୁଣ୍ଡୁଙ୍କୁ ତଦନ୍ତକାରୀ ଟିମ ଗିରଫ କରିଥିଲା ।
