ସକାଳୁ କରନ୍ତୁ ନାହିଁ ଏହି କାମ, ନଚେତ ଦିନ ସାରା ହନ୍ତସନ୍ତ ହେବେ
admin
ଅନେକ ଲୋକଙ୍କ ଅଭ୍ୟାସ ସକାଳେ ଉଠିବା ପରେ ପୁଣି ଶୋଇବା। ଏହାର ଏକ ମୁଖ୍ୟ କାରଣ ଆଳସ୍ୟ ଅନୁଭବ ହେବା ସହ ସଠିକ ଭାବେ ନିଦ ନ ଭାଙ୍ଗିବା। ତେବେ ଜାଣନ୍ତୁ ଏଭଳି କରିବା ଦ୍ୱାରା ସ୍ୱାସ୍ଥ୍ୟ ଉପରେ କିପ୍ରଭାବ ପଡିଥାଏ..
ସକାଳେ ଉଠିବା ପରେ ଅଧିକାଂଶ ଆଳସ୍ୟବଶତଃ ମୋବାଇଲ ଫୋନ୍ର ବ୍ୟବହାର କରିଥାଆନ୍ତି। ମାତ୍ର ଏପରି କରିବା ଦ୍ୱାରା ଆଖି ଉପରେ କୁପ୍ରଭାବ ପଡିଥାଏ। ସ୍ମରଣ ଶକ୍ତି ହ୍ରାସ ହେବା ସହ କାର୍ୟ୍ୟ କରିବାର ଇଚ୍ଛା ଶକ୍ତି ହ୍ରାସ ପାଇଥାଏ।
ତେଣୁ ସକାଳେ ଉଠିବା ପରେ ତୁରନ୍ତ ବାହାରକୁ ଆସି ସୂର୍ୟ୍ୟଙ୍କ ରଶ୍ମିରେ କିଛି ସମୟ ରୁହନ୍ତୁ। ଏହାଦ୍ୱାରା ନିଦ ଭଲ ଭାବେ ଭାଙ୍ଗିବା ସହ ଆଳସ୍ୟ ଅନୁଭବ ହୋଇନଥାଏ।
ଅନେକ ଲୋକଙ୍କ ବିଛଣାରେ ବସି ଚା’ ପିଇବା ଅଭ୍ୟାସ। ତେଣୁ ଆଳସ୍ୟ ଅନୁଭବ ହେଉଥିଲେ। ନିଜ ପସନ୍ଦ ଅନୁଯାୟୀ ଅଳ୍ପ ଚା’ ପିଅନ୍ତୁ। ଫଳରେ ଆଉ ନିଦ ଲାଗି ନଥାଏ।
ନିୟମିତ ବିଳମ୍ବିତ ରାତି ଯାଏଁ ଉଜାଗର ରହି ମୋବାଇଲ ବ୍ୟବହାର କରନ୍ତୁ ନାହିଁ। ଏହାଦ୍ୱାରା ମାନସିକ ଅଶାନ୍ତି,ସ୍ମରଣ ଶକ୍ତି ଉପରେ କୁପ୍ରଭାବ, କାମ କରିବାର ଆଗ୍ରହ କମିବା, ସକାଳେ ବିଳମ୍ବରେ ଉଠିବା, ଦୈନିକ ଜୀବନଶୈଳୀରେ ପରିବର୍ତ୍ତନ ସହ ସଠିକ ସମୟରେ କାମ ହୋଇ ପାରିନଥାଏ। ଚକ୍ଷୁ ଉପରେ ମଧ୍ୟ କୁପ୍ରଭାବ ପଡିଥାଏ। ଏହାସହ ସକାଳେ ଉଠିବାରେ ମଧ୍ୟ ସମସ୍ୟା ସୃଷ୍ଟି ହୋଇଥାଏ।
