ସାଇକେଲ ଚଢି କାର୍ଯ୍ୟାଳୟ ଆସିଲେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ
ସାଇକେଲ ଚଢି କାର୍ଯ୍ୟାଳୟ ଆସିଲେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ
admin
3194
ନୂଆଦିଲ୍ଲୀ: ବିଶ୍ୱ ସାଇକେଲ୍ ଦିବସ ଅବସରରେ ସୋମବାର ନୂଆ କ୍ୟାବିନେଟ୍ ମନ୍ତ୍ରୀମଣ୍ଡଳର କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଭାବେ ବିବେଚିତ ହୋଇଥିବା ଡାକ୍ତର ହର୍ଷବର୍ଦ୍ଧନ ସାଇକେଲ୍ ଚଳାଇ କାର୍ଯ୍ୟାଳୟକୁ ଆସିଛନ୍ତି। କାର୍ଯ୍ୟାଳୟରେ ପହଞ୍ଚି ସେ ଆଜି ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଭାବେ ଦାୟିତ୍ବ ଗ୍ରହଣ କରିଛନ୍ତି। ତାଙ୍କର ଏହି ସାଇକେଲ ଚଢି କାର୍ୟ୍ୟାଳୟ ଆସିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି। ଏହା ଦ୍ବାରା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ଲୋକଙ୍କୁ ଏକ ବଡ଼ ସନ୍ଦେଶ ଦେଇଥିବା କୁହାଯାଉଛି।
ଏଠାରେ ସ୍ମରଣଯୋଗ୍ୟ ଯେ ୨୦୧୪ରେ ବି ସେ ପ୍ରଥମେ ସ୍ୱାସ୍ଥ୍ୟ ମନ୍ତ୍ରଣାଳୟ ପାଇଥିଲେ। କିନ୍ତୁ ୬ ମାସ ପରେ ତାଙ୍କଠାରୁ ଏହି ମନ୍ତ୍ରଣାଳୟ ଦାୟିତ୍ୱରୁ ଅବ୍ୟାହତି ଦିଆଯାଇ ଅଲଗା ମନ୍ତ୍ରଣାଳୟର ଦାୟିତ୍ୱ ଦିଆଯାଇଥିଲା।
