୫୦ ବର୍ଷରେ ଅନୀଲ କୁମ୍ବଲେ : ଜାଣନ୍ତୁ କଣ ଲେଖିଲେ ସେହ୍ୱାଗ
୫୦ ବର୍ଷରେ ଅନୀଲ କୁମ୍ବଲେ : ଜାଣନ୍ତୁ କଣ ଲେଖିଲେ ସେହ୍ୱାଗ
admin
6133
ନୂଆଦିଲ୍ଲୀ : ଭାରତୀୟ କିମ୍ବଦନ୍ତୀ ସ୍ପିନର ଅନୀଲ କୁମ୍ବଲେ ଆଜି ୫୦ ବର୍ଷରେ ପଦାର୍ପଣ କରିଛନ୍ତି । ଏହି ଅବସରରେ ଏକାଧିକ ଭାରତୀୟ ଖେଳାଳି ତାଙ୍କୁ ଶୁଭେଚ୍ଛା ଜଣାଇଛନ୍ତି । ତେବେ ବୀରେନ୍ଦ୍ର ସେହ୍ୱାଗଙ୍କ ମେସେଜ କିଛି ଅଲଗା ପ୍ରକାରର ରହିଥିଲା । କୁମ୍ବଲେଙ୍କୁ ଭାରତୀୟ ଅଧିନାୟକ ବିରାଟ କୋହଲି, ଗୌତମ ଗମ୍ଭୀର ଏବଂ ବୀରେନ୍ଦ୍ର ସେହ୍ୱାଗ ଶୁଭେଚ୍ଛା ଜଣାଇଛନ୍ତି ।
ସେହ୍ୱାଗ ଲେଖିଥିଲେ ମୁଁ ମୋ କ୍ୟାରିୟରରେ ୧୩୬ଟି ୱିକେଟ ନେଇଛି ତେବେ ପରୋକ୍ଷ ଭାବରେ ମୁଁ ଅନୀଲ ଭାଇଙ୍କ ୱିକେଟ ନେଇଥିଲି । ୮୭ ରନରେ ବ୍ୟାଟିଂ କରୁଥିବା କୁମ୍ବଲେ ଆକ୍ରମଣାତ୍ମକ ବ୍ୟାଟିଂ କରିବାକୁ ଯାଇ ନିଜର ଦ୍ୱିତୀୟ ଟେଷ୍ଟ ଶତକରୁ ବଞ୍ଚିତ ହୋଇଥିଲେ । ଏଥିପାଇଁ ଦୁଃଖିତ ମାତ୍ର ଆପଣଙ୍କୁ ଜନ୍ମଦିନର ଶୁଭେଚ୍ଛା ଅନୀଲ ଭାଇ ବୋଲି ସେହ୍ୱାଗ ଟ୍ୱିଟ କରିଥିଲେ । ଅଧିନାୟକ ବିରାଟ କୋହଲି ଏବଂ ଗୌତମ ଗମ୍ଭୀର ମଧ୍ୟ ନିଜ ନିଜ ଅନ୍ଦାଜରେ କୁମ୍ବଲେଙ୍କୁ ଶୁଭେଚ୍ଛା ଜଣାଇଛନ୍ତି ।
ଅନ୍ତରାଷ୍ଟ୍ରୀୟ କ୍ରିକେଟରେ କୁମ୍ବଲେ ୯୫୦ରୁ ଅଧିକ ୱିକେଟ କରିଥିବା ବେଳେ ଟେଷ୍ଟ ମ୍ୟାଚରେ ୬୦୦ରୁ ଅଧିକ ୱିକେଟ ହାସଲ କରିଛନ୍ତି । ଭାରତୀୟ କ୍ରିକେଟର ଜୁମ୍ବୋ ନାମରେ ପରିଚିତ କୁମ୍ବଲେ ଦ୍ୱିତୀୟ ବୋଲର ଭାବରେ ଗୋଟିଏ ଇନିଂସରେ ୧୦ୱିକେଟ ନେବାର ସଫଳତା ହାସଲ କରିଥିଲେ । ଏହା ସହିତ କୁମ୍ବଲେ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଭାବରେ ମଧ୍ୟ ଦାୟିତ୍ୱ ନିର୍ବାହ କରିଥିଲେ ।
