କରୋନା ଉପରେ ୯୪ ପ୍ରତିଶତ ଫଳପ୍ରଦ ଏହି କମ୍ପାନୀର ଟୀକା!
କରୋନା ଉପରେ ୯୪ ପ୍ରତିଶତ ଫଳପ୍ରଦ ଏହି କମ୍ପାନୀର ଟୀକା!
admin
3724
ୱାଶିଂଟନ : କରୋନାକୁ ନେଇ ଚିନ୍ତିତ ଥିବା ଲୋକଙ୍କ ପାଇଁ ଆଶ୍ୱସ୍ତିର ବିଷୟ । ପୂର୍ବରୁ ଦୁଇଟି କମ୍ପାନୀର ଟୀକା ଯଥାକ୍ରମେ ୯୦ ଓ ୯୨ ପ୍ରତିଶତ ବୋଲି ଦାବି କରାଯାଇଥିବା ବେଳେ ଆଜି ଏକ କମ୍ପାନୀ ନିଜର ଟୀକା ସମ୍ପର୍କରେ ଘୋଷଣା କରିଛି । ଆମେରିକୀୟ କମ୍ପାନୀ ମଡର୍ଣ୍ଣା ପକ୍ଷରୁ କରାଯାଇଥିବା ଘୋଷଣା ଅନୁଯାୟୀ ଏହି କମ୍ପାନୀର ପ୍ରସ୍ତୁତ ଟୀକା କରୋନା ଉପରେ ୯୪.୫ ପ୍ରତିଶତ ଫଳପ୍ରଦ । ତୃତୀୟ ପର୍ଯ୍ୟାୟ ମାନବ ପରୀକ୍ଷଣ ପରେ କମ୍ପାନୀ ପକ୍ଷରୁ ଏହି ସୂଚନା ଦିଆଯାଇଛି । ତୃତୀୟ ପର୍ଯ୍ୟାୟ ମାନବ ପରୀକ୍ଷଣରେ ପ୍ରାୟ ୩୦ ହଜାର ସ୍ୱେଚ୍ଛା ସେବୀଙ୍କୁ ସାମିଲ କରାଯାଇଥିଲା ।
କମ୍ପାନୀର ଟୀକା ୯୪.୫ ପ୍ରତିଶତ ସଫଳ ହୋଇଥିବା ବେଳେ ଆମେରିକାରେ ଏହାର ଜରୁରୀକାଳୀନ ବ୍ୟବହାର ପାଇଁ ଅନୁମତି ମଗାଯାଇଛି । ଏ ନେଇ ସ୍ୱାସ୍ଥ୍ୟ ମନ୍ତ୍ରାଳୟ ନିକଟରେ ଆବେଦନ କରାଯାଇଛି ବୋଲି ମଡର୍ଣ୍ଣାର ସିଇଓ ଷ୍ଟିଫେନ ବାନ୍ସେଲ ପ୍ରକାଶ କରିଛନ୍ତି । ଏହା ସହିତ ବିଶ୍ୱର ଅନ୍ୟ ରାଷ୍ଟ୍ର ମାନଙ୍କରେ ମଧ୍ୟ ଏହି ଟୀକାର ଜରୁରୀକାଳୀନ ବ୍ୟବହାର ପାଇଁ ଅନୁମତି ଲୋଡାଯାଇଛି । ଏହି ଟୀକାର ପରୀକ୍ଷଣ ସମୟରେ ପ୍ରାୟ ୯୫ ଜଣ ସ୍ୱେଚ୍ଛାସେବୀଙ୍କ ନିକଟରେ ପାଶ୍ୱର୍ ପ୍ରତିକ୍ରିୟା ଦେଖାଦେଇଥିଲା ।
ପୂର୍ବରୁ ଆଉ ଏକ ଆମେରିକୀୟ କମ୍ପାନୀ ଫାଇଜର ଏହାର ଟୀକା ୯୦ ପ୍ରତିଶତ ସଫଳ ବୋଲି ପ୍ରକାଶ କରିଥିଲା । ଏହାପରେ ଋଷିଆ ନିର୍ମିତ ସ୍ପୁଟନିକ ଭି ୯୨ ପ୍ରତିଶତ ସଫଳ ବୋଲି ଋଷ ପକ୍ଷରୁ କୁହାଯାଇଥିଲା । ତେବେ ମଡର୍ଣ୍ଣା ପକ୍ଷରୁ ଏହି ଟୀକାର ଘୋଷଣା ଏହା ସମସ୍ତଙ୍କୁ ସାମାନ୍ୟ ଆଶ୍ୱସ୍ତି ପ୍ରଦାନ କରିଛି ।
