ତାମିଲନାଡୁ ବିଧାନସଭା ନିର୍ବାଚନରେ ୨୦ ଆସନରେ ଲଢ଼ିବ ବିଜେପି
ତାମିଲନାଡୁ ବିଧାନସଭା ନିର୍ବାଚନରେ ୨୦ ଆସନରେ ଲଢ଼ିବ ବିଜେପି
admin
4854
ଚେନ୍ନାଇ : ତାମିଲନାଡୁ ବିଧାନସଭା ନିର୍ବାଚନରେ ଶାସକ ଏଆଇଏଡିଏମକେ ସହ ମେଂଟ କରି ନିର୍ବାଚନ ଲଢ଼ିବ ବିଜେପି । ତେବେ ବିଜେପି ତାମିଲନାଡୁରେ ୬୦ ଆସନରେ ଲଢ଼ିବାକୁ ଚାହୁଁଥିଲେବି ଏଆଇଏଡ଼ିଏମକେ ମାତ୍ର ୨୦ ସିଟ ଆସନ ଛାଡ଼ିଛି । ଯେତେବେଳେକି ମେଂଟ ସହଯୋଗୀ ପିଏମକେକୁ ୨୩ ଆସନରେ ଲଢ଼ିବାର ସୁଯୋଗ ମିଳିବ । କିନ୍ତୁ ବିଜେପି ପ୍ରଥମେ ପିଏମକେ ଠାରୁ ଅଧିକ ଆସନ ଚାହୁଁଥିଲା । ତେବେ ଏଆଇଏଡ଼ିଏମକେ ଅଧିକ ଆସନ ଦେବାକୁ ମନା କରିଦେବାରୁ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ ତାମିଲନାଡ଼ୁ ମୁଖ୍ୟମନ୍ତ୍ରୀ ପଲାନିସ୍ୱାମୀଙ୍କ ସହ ବିଳମ୍ବିତ ରାତ୍ରି ପର୍ଯ୍ୟନ୍ତ କଥାବାର୍ତା ହୋଇଥିବା ଜାଣିବାକୁ ମିଳିଛି । ଅପରପକ୍ଷରେ ଅଭିନେତାରୁ ରାଜନେତା ପାଲଟିଥିବା ବିଜୟକାନ୍ତଙ୍କ ଦଳ ଡିଏମଡିକେ ସହ ମଧ୍ୟ ଏଆଇଏଡିଏମକେର ମେଂଟ ହେବାର ଥିବାବେଳେ ଆସନ ବୁଝାମଣା ଚୂଡ଼ାନ୍ତ ହୋଇନଥିବା ଜାଣିବାକୁ ମିଳିଛି ।
