ଦେଶରେ ଚାଲିଥିବା ଦ୍ୱିତୀୟ କୋଭିଡ ସଂକ୍ରମଣ ଲହର ଏପି୍ରଲ ମଧ୍ୟଭାଗରେ ଶୀର୍ଷ ଛୁଇଁବ

Apr 3, 2021 - 10:16 Updated: Apr 3, 2021 - 10:16

2302

ନୂଆଦିଲ୍ଲୀ: ଦେଶରେ ଚାଲିଥିବା ଦ୍ୱିତୀୟ କୋଭିଡ ସଂକ୍ରମଣ ଲହର ଏପି୍ରଲ ମଧ୍ୟଭାଗରେ ଶୀର୍ଷ ଛୁଇଁବ । ଏକ ଗାଣିତିକ ମଡେଲର ବ୍ୟବହାର କରି ବୈଜ୍ଞାନିକ ମାନେ ଏହି ଆକଳନ କରିଛନ୍ତି । ମେ’ଶେଷ ବେଳକୁ ସଂକ୍ରମଣ କମିବ ବୋଲି ଆକଳନ କରାଯାଇଛି । ସଂକ୍ରମଣ ପ୍ରଥମ ଲହରରେ ମଧ୍ୟ ବୈଜ୍ଞାନିକମାନେ ଗାଣିତିକ ମଡେଲର ବ୍ୟବହାର କରି ଯେଉଁ ଆକଳନ କରିଥିଲେ ତାହା ସତ ହୋଇଥିଲା । ବୈଜ୍ଞାନିକଙ୍କ ଆକଳନ ଥିଲା ଯେ ଅଗଷ୍ଟରେ ବଢ଼ିଥିବା ସଂକ୍ରମଣ ସେପ୍ଟେମ୍ବର ସୁଦ୍ଧା ଶୀର୍ଷ ଛୁଇଁବ ଏବଂ ୨୦୨୧ ଫେବୃୟାରୀ ବେଳକୁ ଏହା କମିବ । ଗତ କିଛି ଦିନର ସଂକ୍ରମଣକୁ ଆକଳନ କରିବା ପରେ ଜଣାପଡ଼ିଛି ଯେ, ଏପି୍ରଲ ୧୫-୨୦ ମଧ୍ୟରେ ଦ୍ୱିତୀୟ ଲହର ସଂକ୍ରମଣ ଶୀର୍ଷ ଛୁଇଁବ ଏବଂ ଏହା ପରେ ସଂକ୍ରମଣ ତଳମୁହାଁ ହେବ । ଆଇଆଇଟି କାନପୁରର ମନିନ୍ଦ୍ର ଅଗ୍ରୱାଲଙ୍କ ସମେତ ଅନ୍ୟ ବୈଜ୍ଞାନିକଙ୍କ ଦ୍ୱାରା ହୋଇଥିବା ଆକଳନରୁ ଏହା ଜଣାପଡ଼ିଛି ।