ନାଳରେ ଭାସିଗଲେ ଦଶମ ଶ୍ରେଣୀ ଛାତ୍ର
ନାଳରେ ଭାସିଗଲେ ଦଶମ ଶ୍ରେଣୀ ଛାତ୍ର
admin
4099
ଧରାକୋଟ: ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଜଗମୋହନପୁର ଗ୍ରାମ ମଙ୍ଗଳପୁର ନାଳର ପ୍ରଖର ସ୍ରୋତରେ ଭାସି ଯାଇ ଜଣେ ଦଶମ ଶ୍ରେଣୀ ଛାତ୍ର ନିଖୋଜ ହୋଇ ଯାଇଛନ୍ତି । ଛାତ୍ର ଜଣକ ହେଲେ, ଡେରାସାହିର ପ୍ରଭାକର ମହାରଣାଙ୍କ ପୁଅ କାହ୍ନା (୧୫) । ଦମକଳ ବାହିନୀ ସକାଳ ୯ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ସନ୍ଧାନ କାର୍ଯ୍ୟ ଜାରି ରଖିଥିଲେ ମଧ୍ୟ କୌଣସି ଖବର ମିଳିନଥିଲା । ପାଣିର ପ୍ରଖର ସ୍ରୋତ ସାଙ୍ଗକୁ ଘଞ୍ଚ ବାଉଁଶ ଲଟି ଥିବାରୁ ଏଥିରେ ବାଧା ଉପୁଜିଥିଲା । ସକାଳ ପ୍ରାୟ ୮ଟାରେ କାହ୍ନା ତାଙ୍କ ସାଙ୍ଗ ବଳରାମ ଡାକୁଆ ମିଶି ଗାଁ ପଛପଟେ ଥିବା ମଙ୍ଗଳପୁର ନାଳକୁ ଗାଧୋଇବା ଲାଗି ଯାଇଥିଲେ । ହେଲେ ଲଗାଣ ବର୍ଷା ଯୋଗୁଁ ନାଳରେ ଅଧିକ ପାଣି ହୋଇଥିଲା । ଅସାବଧାନତା ବଶତଃ କାହ୍ନାଙ୍କ ଗୋଡ଼ ଖସିଯିବାରୁ ସେ ପ୍ରଖର ସ୍ରୋତରେ ଭାସି ଯାଇଥିଲେ ।
