ପ୍ରେମ, ପ୍ରତାରଣା ପରେ ଆତ୍ମହତ୍ୟା ଉଦ୍ୟମ

Dec 17, 2020 - 07:45 Updated: Dec 17, 2020 - 07:45

3067

ପାରାଦ୍ୱୀପ: ପ୍ରେମିକଙ୍କଠାରୁ ଡାକରା ପାଇ ମନ୍ଦିରକୁ ବିବାହ ପାଇଁ ଯାଇଥିଲେ ପ୍ରେମିକା । କିନ୍ତୁ ତଥାକଥିତ ପ୍ରେମିକ ମନ୍ଦିରକୁ ନ ଆସି ଲୁଚିଲେ । ପ୍ରତାରଣାର ଶିକାର ହୋଇଥିବା ଜାଣିବା ପରେ ଯୁବତୀ ଜଣକ ଥାନାକୁ ଫୋନ କରି ଜଣାଇଲେ ଯେ ସେ ଆତ୍ମହତ୍ୟା କରିବେ । ବାସ ତା ପରେ ଫୋନ ବନ୍ଦ । ସିଧା ସ୍କୁଟି ଧରି ଭୂତାମୁଣ୍ଡାଇ ପୋଲ ନିକଟକୁ ଆସି ମହାନଦୀକୁ ଡେଇଁରେ । ଲୋକେ ଉଦ୍ଧାର କଲେ । ଉଦ୍ଧାର ଯୁବତୀଙ୍କୁ କୁଜଙ୍ଗ ମେଡିକାଲକୁ ନିଆଗଲା । କୁଜଙ୍ଗର ଏକ ପ୍ରତିଷ୍ଠିତ ଲୁଗା ଦୋକାନରେ କେନ୍ଦ୍ରାପଡ଼ା ବଡ଼ପାଳ ଅଞ୍ଚଳର ଜଣେ ଯୁବତୀ ସେଲ୍ସ ଗାର୍ଲ ଅଛନ୍ତି । ୟା ଭିତରେ ତାଙ୍କ ଜଣେ ଯବକଙ୍କ ସହ ପ୍ରେମ ସମ୍ପର୍କ ଗଢ଼ି ଉଠିଥିଲା । ବାଲିଆସ୍ଥିତ ଲକ୍ଷ୍ମୀନାରାୟଣ ମନ୍ଦିରକୁ ସମ୍ପୃକ୍ତ ଯୁବତୀଙ୍କୁ ବିବାହ କରିବାକୁ ପ୍ରେମିକ ଡାକିଥିଲେ । ଯୁବତୀ ପହଞ୍ଚିବା ପରେ କିନ୍ତୁ କେହି ନଥିଲେ । ଘଣ୍ଟା ଘଣ୍ଟା ଅପେକ୍ଷା କରିବା ପରେ ପ୍ରେମିକ ଆସିବାକୁ ମନା କରିଥିଲେ । ବ୍ୟତୀତ ହୋଇ ଯୁବତୀ ଜଣକ କୁଜଙ୍ଗ ଥାନା ବାବୁଙ୍କୁ ଫୋନ କରି କହିଲେ ମୁଁ ଯାଉଛି ଆତ୍ମହତ୍ୟା କରିବି । ତା ପରେ ମୋବାଇଲକୁ ସୁଇଚ ଅଫ କରି ସ୍କୁଟି ଧରି ପଳାଇଥିଲେ ଭୂତମୁଣ୍ଡାଇ ମହାନଦୀ ପୋଲ ଉପରକୁ । ଆଉ ମାରିଲେ ଡିଅାଁ ।