୯୮ ବର୍ଷରେ ଗଛ ମୂଳରେ ପାଠ ପଢେ଼ଇ ପାଇଲେ ପଦ୍ମଶ୍ରୀ
୯୮ ବର୍ଷରେ ଗଛ ମୂଳରେ ପାଠ ପଢେ଼ଇ ପାଇଲେ ପଦ୍ମଶ୍ରୀ
admin
3444
ଭୁବନେଶ୍ୱର : ସେ କେବେ ଭାବିନଥିଲେ ପଦ୍ମଶ୍ରୀ ଭଳି ସମ୍ମାନରେ ସମ୍ମାନୀତ ହେବେ । ନିଜ ଅଂଚଳର ଶିକ୍ଷାର କଥା ହିଁ ଭାବୁଥିଲେ । ୯୮ ବର୍ଷ ବୟସରେ ବି ପିଲାଙ୍କୁ ପାଠ ପଢାଉଥିଲେ । ଯାହାର ପ୍ରତିଦାନ ଆଜି ଦେଶ ତାଙ୍କୁ ଦେଇଛି । ଏହି ମହାନ ବ୍ୟକ୍ତି ଜଣଙ୍କ ହେଉଛନ୍ତି ନନ୍ଦକିଶୋର ପୃଷ୍ଟି ।
ଗତ ୭୪ ବର୍ଷ ଧରି ସେ ଗଛମୂଳେ ଗାଁ ଛୁଅାଁଙ୍କୁ ପାଠ ପଢ଼ାଇ ଆସୁଛନ୍ତି । ଆଖପାଖରେ ଚାଟଶାଳୀ ମାଷ୍ଟ୍ରେ ଭାବେ ସେ ପରିଚିତ । ଶିକ୍ଷା ପ୍ରତି ଉତ୍ସର୍ଗୀକୃତ ସେବା ପାଇଁ ତାଙ୍କୁ ପଦ୍ମଶ୍ରୀ ସମ୍ମାନ ମିଳିଛି । ଗାଁ ପାଖ ହାତୀବାରି ସ୍କୁଲରୁ ୧୯୩୯ରେ ସେ ସପ୍ତମ ଶ୍ରେଣୀ ପାଶ କରିଥିଲେ । ପରିବାରର ଆର୍ଥିକ ସ୍ଥିତି ଭଲ ନଥିବାରୁ ସେ ଅଧିକ ପଢ଼ିପାରିନଥିଲେ । କିନ୍ତୁ ଗାଁ ପିଲାଙ୍କୁ ମଣିଷ କରିବା ପାଇଁ ଅଂଟା ଭିଡ଼ିଥିଲେ । ୧୯୪୬ରେ ଆରମ୍ଭ ହୋଇଥିଲା ନନ୍ଦ ସାରଙ୍କ ଚାଟଶାଳୀ । ଘର ପିଣ୍ଡାରୁ ପାଠପଢ଼ା ଆରମ୍ଭ କରିବା ପରେ ବହୁ ପିଲା ଆସିବାକୁ ଲାଗିଲେ । ଫଳରେ ହନୁମାନ ମନ୍ଦିର ନିକଟରେ ସେ ସକାଳେ ଓ ସଂଧ୍ୟାରେ ଚାଟଶାଳୀ ଖୋଲିଥିଲେ ।
