ଆଜି ଭୋକାଲ ଫର ଲୋକାଲ ଜନଆନେ୍ଦାଳନର ରୂପ ନେଇଛି : ରାଷ୍ଟ୍ରପତି ରାମନାଥ କୋବିନ୍ଦ
ଆଜି ଭୋକାଲ ଫର ଲୋକାଲ ଜନଆନେ୍ଦାଳନର ରୂପ ନେଇଛି : ରାଷ୍ଟ୍ରପତି ରାମନାଥ କୋବିନ୍ଦ
admin
3786
ନୂଆଦିଲ୍ଲୀ: ଆଜି ଠାରୁ ସଂସଦର ବଜେଟ ଅଧିବେଶନ ଆରମ୍ଭ ହୋଇଛି । ଏହି ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ସଂସଦର ଉଭୟ ଗୃହକୁ ସମ୍ବୋଧନ କରିଛନ୍ତି । ଏହି ପରିପ୍ରେକ୍ଷୀରେ ସେ କହିଛନ୍ତି ଯେ ମହିଳା ଓ ଶିଶୁଙ୍କ ବିକାଶ ପାଇଁ ସରକାର ନିରନ୍ତର ଉଦ୍ୟମ ଚଳାଇଛି । ୨୦୧୪ରେ ମାତୃ ମୃତୁ୍ୟହାର ଲକ୍ଷେରେ ୧୩୦ ଥିବାବେଳେ ଏବେ ୧୧୩କୁ ଖସିଛି । ୫ ବର୍ଷରୁ କମ ଶିଶୁ ମୃତୁ୍ୟହାର ବିଶ୍ୱରେ ୩୯ ଥିବାବେଳେ ଭାରତରେ ୩୬ ରହିଛି । ଆଜି ଭୋକାଲ ଫର ଲୋକାଲ ଜନଆନେ୍ଦାଳନର ରୂପ ନେଇଛି । ଏ ମୁସ୍କିଲ ସମୟରେ ବି ଭାରତ ନିବେଶକଙ୍କ ପ୍ରଥମ ପସନ୍ଦ ରହିଛି । ଏ ସମୟରେ ୩୬ ବିଲିୟନ ଡଲାର ପୁଞ୍ଜିନିବେଶ ପ୍ରସ୍ତାବ ଆସିଛି । ସହରାଞ୍ଚଳ ଗରିବଙ୍କ ପାଇଁ ପ୍ରାୟ ୪୦ ଲକ୍ଷ ଘର ନିର୍ମାଣ ସରିଲାଣି । ଡିବିଟି ଜରିଆରେ ୧୩ ଲକ୍ଷ କୋଟି ଟଙ୍କା ଲାଭାର୍ଥୀଙ୍କୁ ଦିଆଯାଇଛି । ସ୍ୱଚ୍ଛ ଭାରତ ମିଶନରେ ୧୦ କୋଟି ଶୌଚାଳୟ ନିର୍ମାଣ ହୋଇଛି ବୋଲି ରାଷ୍ଟ୍ରପତି କହିଛନ୍ତି ।
