ଗୁଣି ଗାରେଡ଼ି ସନେ୍ଦହରେ ପିଟି ପିଟି ମାରିଦେଲେ
ଗୁଣି ଗାରେଡ଼ି ସନେ୍ଦହରେ ପିଟି ପିଟି ମାରିଦେଲେ
admin
5678
ଗୁଣପୁର: ଗୁଣି ଗାରେଡ଼ି ସନେ୍ଦହରେ ଜଣଙ୍କୁ ହତ୍ୟା କରିଛନ୍ତି ଗାଁ ଲୋକ । ହତ୍ୟାପରେ ପ୍ରମାଣ ନଷ୍ଟ ପାଇଁ ମୃତଦେହକୁ ପୋଡି ପକାଇଛନ୍ତି । ଏଭଳି ଘଟଣା ଭିଆଇ ଅପରାଧୀମାନେ ଫେରାର ହୋଇଯାଇଛନ୍ତି । ଏତେ ବଡ଼ ଘଟଣା ପରେ ଗ୍ରାମବାସୀ ମଧ୍ୟ ଭୟରେ ନିରବ ରହୁଛନ୍ତି । ଏଭଳି ଅଭାବନୀୟ ଘଟଣା ଘଟିଛି ପଦ୍ମପୁର ଥାନା ପାଜିଲିବନ୍ଧ ଗାଁରେ । ମୃତକ ହେଲେ ରାମ ମୁଳି (୫୭) । ଗୁରୁବାର ବିଳମ୍ବିତ ରାତିରେ ଏହି ଘଟଣା ଘଟିବା ପରେ ମୃତକଙ୍କ ପତ୍ନୀ ମାୟା ମୁଳି ଥାନାରେ ଏତଲା ଦେଇଛନ୍ତି । ଅନ୍ୟ ପକ୍ଷେ ଅପରାଧ ଘଟାଇ ଫେରାର ହୋଇଥିବା ବ୍ୟକ୍ତିଙ୍କୁ ଧରିବାରେ ପୁଲିସ ସଫଳ ହୋଇପାରିନି । ପୁଲିସ ସୂତ୍ରରୁ ପ୍ରକାଶ ମୃତକ ରାମଙ୍କ ସହ ଗାଁ ଲୋକଙ୍କ ଭଲ ସମ୍ପର୍କ ନଥିଲା । ରାମ ଗୁଣି ଗାରେଡି କରୁଥିବା ନେଇ ଗ୍ରାମବାସୀଙ୍କ ମଧ୍ୟରେ ସନେ୍ଦହ ରହିଥିଲା । ଗାଁର ଝିଅ ବୋହୂଙ୍କ ପ୍ରତି ରାମଙ୍କ ଭଲ ନଜର ନଥିବା କିମ୍ବା ସେ ବ୍ୟବହାର ମଧ୍ୟ ଭଲ କରୁନଥିବା ଅନୁସନ୍ଧାନ ବେଳେ ପୁଲିସ ଆଗରେ କେତେକ ଗାଁ ଲୋକ କହିଛନ୍ତି । କେତୋଟି ଘଟଣାକୁ ନେଇ ଗାଁ ବାଲାଙ୍କ ସହ ରାମଙ୍କ ପୂର୍ବ ଶତ୍ରୁତା ରହିଥିବା ମଧ୍ୟ ପୁଲିସ ଖବର ପାଇଛି । ଗୁରୁବାର ରାତିରେ ଗାଁ ନିକଟ ଏକ କୁଡ଼ିଆରେ ରାମ ଶୋଇଥିବା ବେଳେ ସେହି ଗାଁର ୭ ରୁ ୮ ଜଣ ବ୍ୟକ୍ତି କୁଡ଼ିଆରୁ ରାମକୁ ଟାଣି ଆଣି ଠେଙ୍ଗାରେ ପିଟି ପିଟି ହତ୍ୟା କରିଥିଲେ । ହତ୍ୟା ପରେ ପ୍ରମାଣ ନଷ୍ଟ ପାଇଁ ରାମଙ୍କ ଶବକୁ ପୋଡ଼ି ଦେଇଥିଲେ ।
