ଜାନୁଆରୀ ୨ରେ ହେବ ଓଡ଼ିଶା ସିଭିଲ ସର୍ଭିସ ମେନ
ଜାନୁଆରୀ ୨ରେ ହେବ ଓଡ଼ିଶା ସିଭିଲ ସର୍ଭିସ ମେନ
admin
5839
କଟକ: ଭାରତ ବନ୍ଦକୁ ଦୃଷ୍ଟିରେ ରଖି ଆସନ୍ତାକାଲି ହେବାକୁ ଥିବା ଓଡ଼ିଶା ସିଭିଲ ସର୍ଭିସ ଏକଜାମିନେସନ (ଓସିଏସଇ)-୨୦୧୯ ମୁଖ୍ୟ ଲିଖିତ ପରୀକ୍ଷା (ମେନ) କୁ ଘୁଞ୍ଚାଇ ଦିଆଯାଇଛି । ଏହି ପରୀକ୍ଷା ଆସନ୍ତା ୨୦୨୧ ଜାନୁଆରୀ ୨ ତାରିଖରେ ହେବ ବୋଲି ଧାର୍ଯ୍ୟ ହୋଇଛି । ଆଜି ଭାରତ ବନ୍ଦ ଡାକରା ଦିଆଯାଇଥିବାରୁ ପରୀକ୍ଷାର୍ଥୀମାନଙ୍କୁ ପରୀକ୍ଷା କେନ୍ଦ୍ରରେ ପହଞ୍ଚିବାର ସମସ୍ୟା ହୋଇପାରେ ବୋଲି ପରୀକ୍ଷାର୍ଥୀମାନେ ପରୀକ୍ଷା ପରିଚାଳନାକାରୀ ଓଡ଼ିଶା ଲୋକସବା ଆୟୋଗ (ଓପିଏସସି) କୁ ଜଣାଇଥିଲେ । ପରୀକ୍ଷାର୍ଥୀଙ୍କ ସମସ୍ୟାକୁ ବିଚାରକୁ ନେଇ ଓପିଏସସି ହେବାକୁ ଥିବା ପରୀକ୍ଷାକୁ ବନ୍ଦ କରି ଦେଇଛି । ଏହା ପରିବର୍ତ୍ତେ ପରୀକ୍ଷା ପାଇଁ ଆଉ ଏକ ଦିନ ଧାର୍ଯ୍ୟ କରାଯାଇଛି । ତେବେ ଯେଉଁ ପରୀକ୍ଷାର୍ଥୀଙ୍କ ପାଇଁ ଯେଉଁ କେନ୍ଦ୍ର ଧାର୍ଯ୍ୟ କରାଯାଇଥିଲା ସେଥିରେ କୌଣସି ପରିବର୍ତ୍ତନ କରାଯାଇନାହିଁ । ପରୀକ୍ଷା ସମୟରେ ମଧ୍ୟ କୌଣସି ଅଦଳ ବଦଳ କରାଯାିନାହିଁ । କେନ୍ଦ୍ର ଲାଗି ଯେଉଁ ଆଡବମିଶନ ସାର୍ଟିଫିକେଟ୍ ରହିଥିଲା ତାହା ମଧ୍ୟ ଅପରିବର୍ତ୍ତିିତ ରହିଛି ବୋଲି ଓପିଏସସି ପକ୍ଷରୁ ସ୍ପଷ୍ଟ କରାଯାଇଛି ।
