ଟ୍ରମ୍ପଙ୍କ ମୁଣ୍ଡ ପାଇଁ ୫୬୦ କୋଟିର ପୁରସ୍କାର ଘୋଷଣା କଲା ଇରାନ୍
ଟ୍ରମ୍ପଙ୍କ ମୁଣ୍ଡ ପାଇଁ ୫୬୦ କୋଟିର ପୁରସ୍କାର ଘୋଷଣା କଲା ଇରାନ୍
admin
2584
ତେହରାନ: ଦେଶର କମାଣ୍ଡାର ଜେନେରାଲ କାସିମ ସୁଲେମାନୀଙ୍କୁ ଆମେରିକା ରାଷ୍ଟ୍ରପତି ଡୋନାଲଡ୍ ଟ୍ରମ୍ପଙ୍କ ନିର୍ଦ୍ଦେଶକ୍ରମେ ହତ୍ୟା କରାଯିବା ପରେ ଇରାନ ଏବେ ପ୍ରତିଶୋଧର ନିଆଁରେ ଜଳୁଛି । ସୋମବାର ସୁଲେମାନୀଙ୍କ କବର ଦେବା ଲାଗି ଆୟୋଜିତ ଶୋଭାଯାତ୍ରାର ପ୍ରସାରଣ ସରକାରୀ ଟେଲିଭିଜନରେ କରାଯାଇଥିଲା । ସେହି ପ୍ରସାରଣ ବେଳେ ଟ୍ରମ୍ପଙ୍କୁ ଯିଏ ମାରିବ ତାଙ୍କୁ ୮୦ ନିୟୁତ ଡଲାର ପୁରସ୍କାର ରାଶି ଦିଆଯିବ ବୋଲି କୁହାଯାଇଛି ।
ଇରାନର ଲୋକସଂଖ୍ୟା ୮୦ ନିୟୁତ । ଜଣେ ଇରାନୀବାସୀଙ୍କ ପାଇଁ ୧ ଡଲାର ଲେଖାଏଁ ପ୍ରଦାନ କରାଯିବ ବୋଲି କୁହାଯାଇଛି । ୧ ଡଲାରର ମୂଲ୍ୟକୁ ଯଦି ୭୦ ଟଙ୍କା ଧରାଯାଏ ତାହେଲେ ଭାରତୀୟ ମୁଦ୍ରାରେ ଟ୍ରମ୍ପଙ୍କୁ ମାରିବା ବ୍ୟକ୍ତିଙ୍କୁ ୫୬୦ କୋଟି ଟଙ୍କା ମିଳିବ । ସୂଚନାଯୋଗ୍ୟ, ଗତ ୩ ତାରିଖରେ ବାଗଦାଦ ବିମାନ ବନ୍ଦରରେ ଇରାନ ରିଭୋଲ୍ୟୁସନାରି ଗାର୍ଡସ କର୍ପସର କୁଦ୍ଦସ୍ ବାହିନୀର କମଣ୍ଡାର ସୁଲେମାନୀଙ୍କୁ ଟ୍ରମ୍ପଙ୍କ ନିର୍ଦ୍ଦେଶରେ ହତ୍ୟା କରାଯାଇଛି । ଏହା ପରେ ଆମେରିକା ଏବଂ ଇରାନ ମଧ୍ୟରେ ଉତ୍ତେଜନା ବୃଦ୍ଧି ପାଇଛି ।
