ପୁଣି ରାଷ୍ଟ୍ରପତି ହେବାକୁ ଟ୍ରମ୍ପଙ୍କ ପ୍ରସ୍ତୁତି!
ପୁଣି ରାଷ୍ଟ୍ରପତି ହେବାକୁ ଟ୍ରମ୍ପଙ୍କ ପ୍ରସ୍ତୁତି!
admin
4413
ୱାଶିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଲଗାତାର ଦ୍ୱିତୀୟ ବାର ରାଷ୍ଟ୍ରପତି ହେବାରୁ ବଞ୍ଚିତ ହୋଇଥିଲେ ମଧ୍ୟ ୨୦୨୪ ସାଧାରଣ ନିର୍ବାଚନରେ ବିଜୟ ହାସଲ କରିବାକ ପାଇଁ ଏବେ ଠାରୁ ପ୍ରସ୍ତୁତି ଆରମ୍ଭ କରିଛନ୍ତି । ଆଗାମୀ ଜାନୁଆରୀରୁ ସେ ଏ ସଂକ୍ରାନ୍ତ ଅଭିଯାନ ଆରମ୍ଭ କରିବେ ବୋଲି ସଂକେତ ଦେଇଛନ୍ତି । ଟ୍ରମ୍ପ ତାଙ୍କର ବିଶ୍ୱସ୍ତ ପରାମର୍ଶଦାତା ଏବଂ ଦଳୀୟ ସହଯୋଗୀଙ୍କ ସହ ଏ ବାବଦରେ ଆଲୋଚନା କରିଛନ୍ତି ଏବଂ ରଣନୀତି ମଧ୍ୟ ପ୍ରସ୍ତୁତ ହୋଇଛି । ପରାଜୟକୁ ଆଜି ପର୍ଯ୍ୟନ୍ତ ଗ୍ରହଣ ନ କରିବା ପଛରେ ମଧ୍ୟ ଟ୍ରମ୍ପଙ୍କ ସୁଚିନ୍ତିତ ରଣନୀତି ରହିଛି ଏବଂ ସେ ତାଙ୍କ ସମର୍ଥକମାନଙ୍କୁ ବାର୍ତ୍ତା ଦେଉଛନ୍ତି ଯେ ଜାଲିଆତି କରି ତାଙ୍କୁ ଡେମୋକ୍ରାଟିକ ପାର୍ଟି ହରାଇଛି । ଏକ ସର୍ଭେରୁ ଜଣାପଡ଼ିଛି ଯେ ରିପବ୍ଲିକାନ ଦଳର ଦୁଇ ତୃତୀୟାଂଶ ସମର୍ଥକ ଟ୍ରମ୍ପଙ୍କ ଏହି ଦାବିକୁ ଗ୍ରହଣ କରିଛନ୍ତି ଏବଂ ଏଥର ନିର୍ବାଚନରେ ହୋଇଥିବା ଇ ବ୍ୟାଲଟ ବ୍ୟବସ୍ଥା ସମ୍ପୂର୍ଣ୍ଣ ତୃଟିପୂର୍ଣ୍ଣ ଥିଲା ବୋଲି ସେ କହିଛନ୍ତି ।
