ମୋଦିଙ୍କୁ ଆଜାଦଙ୍କ ପ୍ରଶଂସା

Mar 1, 2021 - 12:02 Updated: Mar 1, 2021 - 12:02

3934

ଶ୍ରୀନଗର: ବରିଷ୍ଠ କଂଗ୍ରେସ ନେତା ଗୁଲାମନବୀ ଆଜାଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଉଚ୍ଚ ପ୍ରଶଂସା କରିଛନ୍ତି । ଜାମ୍ମୁରେ ଗୁଜ୍ଜର ସମ୍ପ୍ରଦାୟଙ୍କୁ ସମ୍ବୋଧନ କରିବା ଅବସରରେ ଆଜାଦ କହିଛନ୍ତି ଯେ ମୋଦି ପ୍ରଧାନମନ୍ତ୍ରୀ ହେବା ସତ୍ତ୍ୱେ ନିଜର ମୂଳ ଅବସ୍ଥାକୁ ଭୁଲି ନାହାନ୍ତି । ପ୍ରଧାନମନ୍ତ୍ରୀ ହୋଇ ମଧ୍ୟ ସେ ନିଜକୁ ଜଣେ ଚା’ବାଲା ବୋଲି ଗର୍ବର ସହିତ କହୁଛନ୍ତି । ମୋଦିଙ୍କ ଏହି ମହାନତାକୁ ଆମେ ସମସ୍ତେ ଅନୁସରଣ କରିବା ଦରକାର । ମୋଦିଙ୍କ ସହିତ ମୋର ରାଜନୈତିକ ମତାଭେଦ ରହିଥିଲେ ମଧ୍ୟ ସେ ଜଣେ ବାସ୍ତବବାଦୀ ମଣିଷ ବୋଲି ଆଜାଦ କହିଛନ୍ତି । କଂଗ୍ରେସର ନେତୃତ୍ୱ ଓ ସାଂଗଠନିକ ପରିବର୍ତ୍ତନ ପାଇଁ ଆଜାଦଙ୍କ ସମେତ ଦଳର ୨୩ ନେତା ଏକ ଅଭିଯାନ ଚଳାଇଛନ୍ତି । ଏହି ନେତାମାନେ ଏବେ ଜାମ୍ମୁ କାଶ୍ମୀର ଗସ୍ତରେ ଅଛନ୍ତି ।