ସ୍କୁଲ ଲାଇବ୍ରେରୀ ବହିକିଣାରେ ବ୍ୟାପକ ଦୁର୍ନୀତି
ସ୍କୁଲ ଲାଇବ୍ରେରୀ ବହିକିଣାରେ ବ୍ୟାପକ ଦୁର୍ନୀତି
admin
2515
ଭୁବନେଶ୍ୱର: ପ୍ରାଥମିକ ଓ ମାଧ୍ୟମିକ ସ୍କୁଲରେ ଅଧ୍ୟୟନରତ କୋମଳମତି ବିଦ୍ୟାର୍ଥୀଙ୍କ ମେଧାବୃତ୍ତି ସକାଶେ ପାଠ୍ୟ ପୁସ୍ତକ ବ୍ୟତୀତ ପାଠଗାରରେ ରୁଚିପୂର୍ଣ୍ଣ ବହି ଗୁଡ଼ିକ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏହା ସତ୍ତ୍ୱେ ଗ୍ରାମାଞ୍ଚଳରେ ପାଠାଗାର ଆନେ୍ଦାଳନ ଆଶାନୁରୂପ ହୋଇପାରିନଥିଲେ ହେଁ, ସରକାର ମାଧ୍ୟମିକ ବିଦ୍ୟାଳୟଗୁଡ଼ିକରେ ପାଠାଗାରକୁ ବଞ୍ଚାଇ ରଖିବା ଲକ୍ଷ୍ୟରେ ସ୍ପଳ୍ପ ତଥା କାମଚଳା ଆର୍ଥିକ ସହାୟତା ଦେଉଛନ୍ତି । ମାତ୍ର ପ୍ରଶାସନ ଓ ହାତଗଣତି ପ୍ରକାଶକଙ୍କ ଅସାଧୁମେଣ୍ଟ ଏହି ସ୍ୱଳ୍ପ ଅର୍ଥରୁହିଁ ସିଂହଭାଗ ହଡ଼ପ କରିବାକୁ ବେଶ ସକି୍ରୟ । ପରିମଣାମ ସ୍ୱରୂପ ଛାତ୍ରଛାତ୍ରୀଙ୍କୁ ଆକୃଷ୍ଟ କରିବା ଭଳି ସୁନିର୍ବାଚିତ ତଥା ରୁଚିପୂର୍ଣ୍ଣ ପୁସ୍ତକ ଆଉ ସ୍କୁଲ ପାଠାଗାରରେ ଉପଲବ୍ଧ ନ ହେବା ଆଶଙ୍କା ଘନୀଭୂତ ହୋଇଛି । ସୂଚନା ଯୋଗ୍ୟ, ରାଜ୍ୟରେ ଥିବା ପ୍ରାୟ ୮ ହଜାର ମାଧ୍ୟମିକ ସ୍କୁଲର ପାଠାଗାର ପାଇଁ ବହି କିଣିବାକୁ ସରକାର ୫ ବର୍ଷ ପାଇଁ ୧୦୦ କୋଟି ଟଙ୍କାର ଅର୍ଥ ବ୍ୟବସ୍ଥା କରିବା ପରେ ସ୍କୁଲ ପିଛା ବର୍ଷକୁ ୨୫ ହଜାର ଟଙ୍କାର ନୂଆ ବହି କିଣିବା ସୁଯୋଗ ସୃଷ୍ଟି ହୋଇଛି । ତଦନୁଯାୟୀ ଗତ ଶିକ୍ଷା ବର୍ଷରେ ନିୟମ କାନୁନ ଓ ସ୍ୱଚ୍ଛତାକୁ ଜଳାଞ୍ଜଳି ଦେଇ ତଥାକଥିତ ଅସାଧୁମେଣ୍ଟ ୨୦ କୋଟି ଟଙ୍କା ମୂଲ୍ୟର ବହିକିଣାରୁ ମନଇଚ୍ଛା ଫାଇଦା ଉଠାଇଥିଲେ । କରୋନା ସଂକ୍ରମଣ ସତ୍ତ୍ୱେ ଚଳିତ ଶିକ୍ଷା ବର୍ଷ ପାଇଁ ପୁଣି ୨୦ କୋଟି ଟଙ୍କାରେ ବହିକିଣା ପାଇଁ ଯୁଦ୍ଧକାଳୀନ ପ୍ରକି୍ରୟା ଜାରି ରହିଥିବା ବେଳେ ଅସାଧୁମେଣ୍ଟ ପୂର୍ବ ବର୍ଷ ଫନ୍ଦିର ପୁନରାବୃତ୍ତି ଘଟାଇବାକୁ ଅଣ୍ଟା ଭିଡ଼ିଛନ୍ତି । ଉଲ୍ଲେଖଯୋଗ୍ୟ, ସ୍କୁଲ ପାଠଗାର ନିମନ୍ତେ ବହିକିଣାରେ ଯଥା ସମ୍ଭବ ସ୍ୱଚ୍ଛତା ରକ୍ଷା ଲାଗି ପୂର୍ବରୁ ନିର୍ଦ୍ଧିଷ୍ଟ ନୀତି ନିୟମ ଅନୁସୃତ ହେଉଥିଲା ।
