କୋଭିଡ ପ୍ରସ୍ତୁତି ଆରମ୍ଭ ,ଏସସିବିରେ ୨୩ଟି ଆଇସିୟୁ ସହ ୨୫୦ ବେଡ ପାଇଁ ପ୍ରସ୍ତାବ
କୋଭିଡ ପ୍ରସ୍ତୁତି ଆରମ୍ଭ ,ଏସସିବିରେ ୨୩ଟି ଆଇସିୟୁ ସହ ୨୫୦ ବେଡ ପାଇଁ ପ୍ରସ୍ତାବ
admin
3187
କଟକ: ସାରା ରାଜ୍ୟରେ କରୋନା ସଂକ୍ରମଣ ବ୍ୟାପୁଥିବାରୁ ଏସସିବିରେ ମୁକାବିଲା ପାଇଁ ତପôରତା ପ୍ରକାଶ ପାଇଛି । ପରିସ୍ଥିତି ଦିନକୁ ଦିନ ସଙ୍ଗୀନ ହେଉଥିବାରୁ ଜରୁରୀକାଳୀନ ସ୍ଥିତିରେ କୋଭିଡ ପରିଚାଳନା କମିଟି ବୈଠକ ବସି ରଣନୀତି ପ୍ରସ୍ତୁତ କରାଯାଇଛି । କରୋନା ଆକ୍ରାନ୍ତଙ୍କ ଚିକିତ୍ସା ପାଇଁ ୨୩ଟି ଆଇସିୟୁ ସହ ୨୫୦ ବେଡ ରଖିବା ପାଇଁ ନିଷ୍ପତ୍ତି ନିଆଯାଇଛି । ଏ ନେଇ ଏସସିବି କର୍ତ୍ତୃପକ୍ଷ ସରକାରଙ୍କୁ ପ୍ରସ୍ତାବ ଦେଇଛନ୍ତି । ସେହିପରି ପୁଣିଥରେ ନୂଆ ମେଡିସିନ ୱାର୍ଡର ୨ଟି ମହଲାକୁ କରୋନା ରୋଗୀଙ୍କ ପାଇଁ ସଂରକ୍ଷିତ ରଖାଯିବ ଓ ଚର୍ମରୋଗ ବିଭାଗ ନିକଟରେ ଥିବା ସ୍କିଲ ସେଣ୍ଟରକୁ କରୋନା ୱାର୍ଡଭାବେ ବ୍ୟବହାର କରାଯିବ ବୋଲି ସୂଚନା ମିଳିଛି । ବୈଠକରେ ନିଷ୍ପତ୍ତି ଅନୁଯାୟୀ, କୋଭିଡ ୱାର୍ଡରେ ନିୟୋଜିତ ଲ୍ୟାବ ଟେକ୍ନିସିଆନ, ଡାଟା ଏଣ୍ଟି୍ର ଅପରେଟର (ଡିଇଓ)ଙ୍କୁ ଛାଡ଼ିଦେଲେ ରେଡିଓଗ୍ରାଫର, ଫାର୍ମାସିଷ୍ଟ, ଷ୍ଟାଫନର୍ସ ଓ ଚତୁର୍ଥ ଶ୍ରେଣୀ କର୍ମଚାରୀଙ୍କ ମଧ୍ୟରୁ ୫୦ ପ୍ରତିଶତ କର୍ମଚାରୀଙ୍କ ନେଇ ୱାର୍ଡ ଚାଲିବ ।
