ଖାଲିଥିବା ପିଜି ସିଟରେ ହେବ ସ୍ପଟ ନାମଲେଖା
ଖାଲିଥିବା ପିଜି ସିଟରେ ହେବ ସ୍ପଟ ନାମଲେଖା
admin
3045
ଭୁବନେଶ୍ୱର: ରାଜ୍ୟର ବିଭିନ୍ନ ସରକାରୀ ବିଶ୍ୱ ବିଦ୍ୟାଳୟ ଓ ଡିଗ୍ରୀ କଲେଜ ଗୁଡ଼ିକରେ ପୁଣି ସ୍ପଟ ନାମଲେଖା ହେବ । ଏ ନେଇ ଉଚ୍ଚଶିକ୍ଷା ବିଭାଗ ବିଶ୍ୱ ବିଦ୍ୟାଳୟର ସ୍ନାତକୋତ୍ତର ପରିଷଦ (ପିଜି କାଉନସିଲ) ଅଧ୍ୟକ୍ଷ, ପରୀକ୍ଷା ନିୟନ୍ତ୍ରକ ଓ ଡିଗ୍ରୀ କଲେଜର ଅଧ୍ୟକ୍ଷମାନଙ୍କୁ ଚିଠି ଲେଖିଛି । ଖାଲିଥିବା ସିଟ୍ ଗୁଡ଼ିକରେ ଛାତ୍ରଛାତ୍ରୀଙ୍କ ପିଜି ପ୍ରବେଶିକା ପରୀକ୍ଷାର ମାର୍କ ଓ କ୍ୟାରିୟର ମାର୍କ ଆଧାରରେ ଚୟନ କରାଯିବ । ୱେଟିଂ ତାଲିକାରେ ଥିବା ଛାତ୍ରଛାତ୍ରୀଙ୍କ ମଧ୍ୟରୁ ଯୋଗ୍ୟ ପିଲାଙ୍କୁ ଚୟନ କରାଯିବ । ଖାଲିଥିବା ସିଟ୍ ଅନୁଯାୟୀ ବିଦ୍ୟାର୍ଥୀଙ୍କ ଯୋଗ୍ୟ ତାଲିକା ଚଳିତ ମାସ ୧୯ ତାରିଖ ସୁଦ୍ଧା କଲେଜର ‘ଇ-ସ୍ପେସ’ରେ ଅପଲୋଡ କରିବା ପାଇଁ ବିଭାଗ ନିଦେ୍ର୍ଧଶ ଦେଇଛି । ଏହି ତାଲିକା ଅନୁଯାୟୀ ନାମଲେଖାରେ ଯଦି କୌଣସି ସିଟ୍ ଖାଲି ରହେ ଓଜେଇଇ କିମ୍ବା ଜାତୀୟ ସ୍ତରରେ ପ୍ରବେଶିକା ପରୀକ୍ଷା ଦେଇଥିବା ବିଦ୍ୟାର୍ଥୀଙ୍କୁ ସେମାନଙ୍କ ଯୋଗ୍ୟତା ହାରରେ ଚୟନ କରିବାକୁ ଉଚ୍ଚଶିକ୍ଷା ବିଭାଗ ପରାମର୍ଶ ଦେଇଛି ।
