ଜୁନ ୨୦ ସୁଦ୍ଧା ପ୍ରକାଶ ପାଇବ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ଦଶମ ଶ୍ରେଣୀ ପରୀକ୍ଷା ଫଳ
ଜୁନ ୨୦ ସୁଦ୍ଧା ପ୍ରକାଶ ପାଇବ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ଦଶମ ଶ୍ରେଣୀ ପରୀକ୍ଷା ଫଳ
admin
3275
ଭୁବନେଶ୍ୱର: ଜୁନ ୨୦ ସୁଦ୍ଧା ପ୍ରକାଶ ପାଇବ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସଇ) ଦଶମ ଶ୍ରେଣୀ ପରୀକ୍ଷା ଫଳ । ଏ ନେଇ ନିୟମାବଳୀ (ଗାଇଡଲାଇନ) ଜାରି କରିଛି ସିବିଏସଇ । ଗାଇଡଲାଇନ ଅନୁସାରେ ଚଳିତ ମାସ ୫ ତାରିଖ ସୁଦ୍ଧା ସବୁ ସ୍କୁଲରେ ୮ ଜଣିଆ ରେଜଲ୍ଟ କମିଟି ଗଠନ କରାଯିବ । ସ୍କୁଲ ଅଧ୍ୟକ୍ଷ ଓ ଅନ୍ୟ ୭ ଶିକ୍ଷକଙ୍କୁ ନେଇ ଏହି କମିଟି ଗଢ଼ା ହେବ । ୭ ଶିକ୍ଷକଙ୍କ ମଧ୍ୟରୁ ୫ ଜଣ ନିଜ ସ୍କୁଲର ଏବଂ ଅନ୍ୟ ୨ ଜଣ ପାଖ ସ୍କୁଲକୁ ଆସିବେ । ବର୍ଷ ସାରା ହୋଇଥିବା ପରୀକ୍ଷା ଆଧାରରେ ୮୦ ମାର୍କର ମୂଲ୍ୟାୟନ ହେବ ।ଅବଶିଷ୍ଟ ୨୦ ମାର୍କର ମୂଲ୍ୟାୟନ ଇଣ୍ଟରନାଲ ଆସେସମେଣ୍ଟରୁ ନିର୍ଦ୍ଧାରଣ କରାଯିବ । ଜୁନ ୫ ସୁଦ୍ଧା ପରୀକ୍ଷା ଆଧାରରେ ୮୦ ମାର୍କର ମୂଲ୍ୟାୟନ ତାଲିକା ସିବିଏସଇକୁ ପଠାଯିବ । ଜୁନ ୧୧ ସୁଦ୍ଧା ଇଣ୍ଟରନାଲ ମାର୍କର ମୂଲ୍ୟାୟନ ତାଲିକା ପଠାଯିବ । କୋଭିଡ ପାଇଁ ଗତ ମାସରେ ସିବିଏସଇ ଦଶମ ଶ୍ରେଣୀ ବୋର୍ଡ ପରୀକ୍ଷାକୁ ବାତିଲ କରାଯାଇଥିଲା । ତେବେ ସେମାନେ କେଉଁ ଆଧାରରେ ଏକାଦଶକୁ ଯିବେ ସେ ନେଇ ବୋର୍ଡ ନିୟମାବଳୀ ପ୍ରସ୍ତୁତ କରିଛି ।
